ଖୋର୍ଦ୍ଧା: ସିଭିରମଣ ଗ୍ଲୋବାଲ ୟୁନିଭରସିଟିରେ ଉଦଘାଟିତ ହେଲା ଷ୍ଟାଟଅପ ଇଷ୍ଟ 2022 । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଷ୍ଟାଟଅପ ଇଣ୍ଡିଆର ଅଧ୍ୟକ୍ଷ କୃଷିକେଶ ମିତ୍ତଲ ଉପସ୍ଥିତ ରହି ଉଦଘାଟନ କରିଥିଲେ । ଏଥିସହ ୟୁନିଭରସିଟିରେ ଏହାର ସ୍ଥାୟୀ କ୍ୟାମ୍ପସ ଉଦଘାଟିତ ହୋଇଥିଲା । ଆସନ୍ତା ଦୁଇ ଦିନ ଚାଲିବାକୁ ଥିବା ଏହି କାର୍ଯ୍ୟକ୍ରମରେ ବହୁ ଉଦ୍ୟୋଗୀ, ଶିକ୍ଷାବିତ୍, ଛାତ୍ରଛାତ୍ରୀ ଓ ବ୍ୟବସାୟୀ ସାମିଲ ହେବେ ।
ବର୍ତ୍ତମାନ ସମୟରେ ଚାକିରି କରିବା ନୁହେଁ ବଂର ଚାକିରି ଦେବାର ସମୟ ଆସିଛି । ଏହି କାର୍ଯ୍ୟକ୍ରମ ଦ୍ୱାରା ଓଡ଼ିଶାର ଛାତ୍ରଛାତ୍ରୀଙ୍କ ଦକ୍ଷତା ବିକାଶ ହେବା ସହିତ ସେମାନେ ନୂତନ କର୍ମ ନିଯୁକ୍ତି ସୃଷ୍ଟି କରିପାରିବେ ବୋଲି ଉପସ୍ଥିତ ବ୍ୟବସାୟୀ ଓ ସଫଳ ଛାତ୍ରଛାତ୍ରୀ ମତରଖିଥିଲେ । ଏହି ଅବସରରେ ସିଭିରମଣ ଗ୍ଲୋବାଲ ୟୁନିଭରସିଟିରେ ପ୍ରସ୍ତୁତ ଅତ୍ୟାଧୁନିକ ଡ୍ରୋନର ଶୁଭାରମ୍ଭ ହୋଇଛି । ଏହି ଡ୍ରୋନ ସହାୟତାରେ ପ୍ରାୟ 50 କିଲୋଗ୍ରାମର ଜରୁରୀକାଳିନ ଜିନିଷ ସାମଗ୍ରୀ ଆକାଶ ମାର୍ଗରେ 20 କିଲୋମିଟର ନିଆଯାଇ ପାରିବ। ଆଗକୁ ଏହା 40 କିଲୋମିଟର ପଠାଇବାକୁ ଗବେଷଣା ଜାରି ରହିଛି ।
