ଖୋର୍ଦ୍ଧା: ଓଡିଶାକୁ 2 ଦିନିଆ ଗସ୍ତରେ ଆସିଛନ୍ତି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ବାନ । ଖୋର୍ଦ୍ଧାର ଗୀତା ଭବନ ପଡିଆରେ ଆୟୋଜିତ ବିଜେପିର ସଦସ୍ୟତା ସଂଗ୍ରହ ଅଭିଯାନ କାର୍ଯ୍ୟକ୍ରମ ଯୋଗ ଦେଇ ବିଭିନ୍ନ ପ୍ରସଙ୍ଗରେ ରାଜ୍ୟସରକାର ଓ କଂଗ୍ରେସ ଉପରେ ଜୋରଦାର ବର୍ଷିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
କାଶ୍ମୀର ପ୍ରସଙ୍ଗରେ ଦେଶର ପ୍ରଥମ ପ୍ରଧାନମନ୍ତ୍ରୀଙ୍କୁ କଡା ସମାଲୋଚନା କରିଛନ୍ତି । ଆଉ ଓଡିଶାର ଦାରିଦ୍ରତା ପାଇଁ ଉଭୟ କଂଗ୍ରେସ ଓ ବିଜେଡି ସରକାରକୁ ଟାର୍ଗେଟ କରିଛନ୍ତି । ଖାଲି ସେତିକି ନୁହେଁ ଓଡିଆ ଭାଷା ନ କହି ପାରିବାକୁ ନେଇ ନବୀନଙ୍କୁ ତେରେଛା ବାଣ ମାରିଛନ୍ତି ଶିବରାଜ । ରାଜ୍ୟର ଶାସନ ଡୋରି ମୁଖ୍ୟମନ୍ତ୍ରୀ ହାତରେ ନାହିଁ । ପାଣ୍ଡିଆନଙ୍କ ହାତରେ ରହିଛି ବୋଲି କହିଛନ୍ତି ଚୌହାନ ।
ଆୟୋଜିତ ଏହି କାର୍ଯ୍ୟକ୍ରମରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଓ ରାଜ୍ୟ ବିଜେପି ସଭାପତି ତଥା ସାଂସଦ ବସନ୍ତ ପଣ୍ଡା ସମେତ ବହୁ ପ୍ରମୁଖ ବ୍ୟକ୍ତି ଯୋଗ ଦେଇଥିଲେ ।
ଖୋର୍ଦ୍ଧାରୁ ଗୋବିନ୍ଦ ପଣ୍ଡା, ଇଟିଭି ଭାରତ
