ଖୋର୍ଦ୍ଧା: ଜିଲ୍ଲାରେ ବଢିଚାଲିଛି ମଦ୍ୟପଙ୍କ ଦୌରାତ୍ମ୍ୟ । ସଞ୍ଜ ନଇଁଲେ ମଦ ଦୋକାନକୁ ଛୁଟୁଛି ଅସାମାଜିକ ଲୋକଙ୍କ ସୁଅ । ତେବେ ମଦ୍ୟପଙ୍କ ଦୌରାତ୍ମ୍ୟରେ ଅତିଷ୍ଠ ହୋଇ ଅଣନିଶ୍ୱାସୀ ହୋଇପଡିଲେଣି ଖୋର୍ଦ୍ଧା ଜିଲା ଭୁବନେଶ୍ୱର ଉପକଣ୍ଠ କଳିଙ୍ଗନଗର ବରିଷ୍ଠ ନାଗରିକ । ଏନେଇ ଗତକାଲି(ମଙ୍ଗଳବାର) ମଦ ଦୋକାନ ସ୍ଥାନାନ୍ତର ପ୍ରତିବାଦରେ କଳିଙ୍ଗନଗର ଆବାସିକ ଉନ୍ନୟନ ସଂଘ ଏବଂ ବୁଦ୍ଧିଜୀବୀଙ୍କ ପକ୍ଷରୁ ଜିଲ୍ଲାପାଳଙ୍କୁ ଦାବିପତ୍ର ଦେଇଛନ୍ତି ।
ମଦ ଦୋକାନ ସ୍ଥାନାନ୍ତର ପାଇଁ ଖୋର୍ଦ୍ଧା ଜିଲ୍ଲାପାଳଙ୍କୁ ଦାବିପତ୍ର ଦେଲେ କଳିଙ୍ଗନଗର ଆବାସିକ ଉନ୍ନୟନ ସଂଘ
ସ୍କୁଲ, ମନ୍ଦିର ଓ ଜନବସତି ନିକଟରେ ମଦ ଦୋକାନ ଖୋଲିଥିବାରୁ ଅସାମାଜିକ ଲୋକଙ୍କ ଆଡ୍ଡା ଜମି ସମସ୍ୟା ଉପୁଜୁଛି । ଛୋଟପିଲାଙ୍କ ଠାରୁ ଆରମ୍ଭ କରି ବୟସ୍କ ଓ ମହିଳା ମାନେ ନିଜକୁ ଅସୁରକ୍ଷିତ ମନେ କରୁଛନ୍ତି । ଏହାର ଶୀଘ୍ର ସ୍ଥାନାନ୍ତର କରାନଗଲେ ଆନ୍ଦୋଳନତ୍ମକ ପନ୍ଥା ଗ୍ରହଣ କରିବେ ବୋଲି ଚେତାବନୀ ଦେଇଛନ୍ତି କଳିଙ୍ଗନଗର ଆବାସିକ ଉନ୍ନୟନ ସଂଘ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
