ଖୋର୍ଦ୍ଧା: ପୁଣି ମାତିଲେ କଳା ପଲସର ଲୁଟେରା । କଳା ପଲସରରେ ଆସି ଚଳନ୍ତା ବାଇକରୁ ଦମ୍ପତିଙ୍କ ଠାରୁ ଲୁଟିନେଲେ ସୁନା ଚେନ, ମଙ୍ଗଳ ସୂତ୍ର ସହ ଭ୍ୟାନିଟ ବ୍ୟାଗ । ଏଭଳି ଘଟଣା ଘଟିଛି ଖୋର୍ଦ୍ଧା ୧୬ନଂ ଜାତୀୟ ରାଜପଥ ମଧ୍ୟରେ ।
ସୂଚନା ଅନୁଯାୟୀ ହେମନ୍ତ ବେହେରା ଏବଂ ତାଙ୍କ ପତ୍ନୀ ମମତା ଭୁବନେଶ୍ୱରରୁ ନିରକାରପୁର ଯାଉଥିବା ବେଳେ ଲୁଟର ଶିକାର ହୋଇଥିଲେ । କଳା ପଲସରରେ ଆସି ଦମ୍ପତିଙ୍କ ଠାରୁ ସୁନା ଚେନ ଓ ମଙ୍ଗଳସୁତ୍ର ଲୁଟି ନେଇଛନ୍ତି ଦୁର୍ବୁତ୍ତ । ସେହିପରି ଅନ୍ୟ ଜଣେ ଦମ୍ପତି ସାଗର ରାଉତ ଡାଳତୋଳା ଯାଉଥିବା ବେଳେ ତାଙ୍କ ଭ୍ୟାନିଟ ବ୍ୟାଗ ଛଡ଼ାଇ ନେଇଛନ୍ତି ଦୁର୍ବୃତ୍ତ । ଉଭୟ ଘଟଣାରେ ଦମ୍ପତି ଆହତ ହୋଇ ଗୁରୁତର ହୋଇଛନ୍ତି । ଲୁଟର ଶିକାର ହୋଇଥିବା ଦମ୍ପତି ଏନେଇ ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
