ଖୋର୍ଦ୍ଧା: ଜାତୀୟ ରାଜପଥ ନଂ16ର ବେଲପଡା ଛକ ନିକଟରେ ଘଟିଯାଇଛି ମର୍ମନ୍ତୁଦ ସଡ଼କ ଦୁର୍ଘଟଣା । ରାସ୍ତାର କଡ଼ରେ ଠିଆ ହୋଇଥିବା ପଥର ବୋଝେଇ ଟ୍ରକର ଡ୍ରାଇଭର ଓ ହେଲ୍ପରକୁ ପଛପଟୁ ଧକ୍କା ଦେଲା ଧାନ ବୋଝେଇ ଟ୍ରକ । ଘଟଣାସ୍ଥଳରେ 2ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି ।
ମିଳିଥିବା ସୂଚନା ଅନୁଯାୟୀ ଖୋର୍ଦ୍ଧା ଜାତୀୟ ରାଜପଥ ନଂ16ର ବେଲପଡା ଛକ ନିକଟରେ ଏକ ପଥର ବୋଝେଇ ଟ୍ରକ ଖରାପ ହୋଇ ରାସ୍ତା କଡରେ ଠିଆହୋଇଥିଲା । ଏହି ଟ୍ରକକୁ ଜଗି ରହିଥିଲେ ଡ୍ରାଇଭର ଓ ହେଲ୍ପର । ଏହି ସମୟରେ ପଛପଟୁ ଏକ ଧାନ ବୋଝେଇ ଟ୍ରକ ଆସି ଧକା ଦେଇଥିଲା । ଫଳରେ ପଥର ବୋଝେଇ ଟ୍ରକ ଡ୍ରାଇଭର ଟାଙ୍ଗି ଅଞ୍ଚଳର ସୁନା ପାତ୍ର ଓ ହେଲ୍ପର ସୁଦର୍ଶନ ବେହେରାଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି ।
ଏହି ଦୁର୍ଘଟଣାରେ ଆହତ ହୋଇଥିବା ବ୍ୟକ୍ତିଙ୍କ ପରିଚୟ ମିଳିପାରିନାହିଁ । ଦୁର୍ଘଟଣା ସମ୍ପର୍କରେ ବାଣପୁର ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି । ଏହାସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଜାରି ରଖିଛି ପୋଲିସ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
