ଖୋର୍ଦ୍ଧା: କୋରୋନା କଟକଣା ଯୋଗୁଁ ଫିକା ପଡିଛି କୁଆରୀଙ୍କ ବଡ଼ ପର୍ବ ରଜ ଉତ୍ସବ । ପ୍ରତିବର୍ଷ ରଜ ପାଇଁ ବର୍ଷଯାକ ଅପେକ୍ଷା କରିଥାନ୍ତି କୁମାରୀମାନେ । ରଜ 4 ଦିନ ସଜବାଜ ହୋଇ ଗୀତ ଗାଇ ଦୋଳି ଖେଳି ରଜ ପାଳନ କରିଥାନ୍ତି କୁମାରୀମାନେ।
ଖୋର୍ଦ୍ଧାରେ ରଜ ଫିକା, ନାହିଁ ପୂର୍ବବର୍ଷ ଭଳି ଉତ୍ସାହ
କିନ୍ତୁ କୋଭିଡ କଟକଣା କାରଣରୁ ସରକାର ବିଭିନ୍ନ ପ୍ରକାର କଟକଣା ଜାରି କରିଛନ୍ତି । ଫଳରେ ଫିକା ପଡିଛି ଚଳିତବର୍ଷର ରଜ । ଖୋର୍ଦ୍ଧା ଜିଲ୍ଲାର ବିଶେଷକରି ମା ଉଗ୍ରତାରଙ୍କ ପୀଠ, କୋଶଳାଶୁଣି ପୀଠ, ବରମୂଳେଇ ପୀଠ, ମା ବାରୁଣେଇଁଙ୍କ ପୀଠ ଚଳଚଞ୍ଚଳ ରହୁଥିବାବେଳେ ଏଥର କିନ୍ତୁ ପ୍ରଶାସନ ପକ୍ଷରୁ କଟକଣା ଜାରି କରାଯାଇଛି । ସେଥିପାଇଁ ଏହି ପର୍ବ ପୁରପଲ୍ଲୀରେ ଖାଁ ଖାଁ । କୁଆରୀମାନେ ଏଥର ନିଜ ନିଜ ଘରେ ଦୋଳି ବାନ୍ଧି ରଜମଉଜ ପାଳୁଥିବା ଦେଖିବାକୁ ମିଳିଛି । କିନ୍ତୁ ପୂର୍ବବର୍ଷ ପରି ରଜ ପାଳନରେ ଉତ୍ସୁକତା ଦେଖିବାକୁ ମିଳୁନି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
