ଖୋର୍ଦ୍ଧା : ସଂକ୍ରମଣ ସମୟରେ ଉତ୍ପାତ କରୁଛନ୍ତି ଜୁଆଡି । ଜୁଆଆଡ୍ଡା ଉପରେ ବାଣପୁର ପୋଲିସ ପକ୍ଷରୁ ଚଢ଼ାଉ କରାଯାଇଛି । ଏଥିରେ ୯ ଜୁଆଡ଼ି ଗିରଫ କରାଯିବା ସହିତ ନଗଦ ଟଙ୍କା ବାଇକ ଜବତ ହୋଇଛି । ସୂଚନା ଅନୁସାରେ, ଖୋର୍ଦ୍ଧା ବାଣପୁର ଥାନା ଅଧୀନରେ ଥିବା କଟୁଆଳ ଏବଂ କୁରୁଞ୍ଜୁପୁରଠାରେ ଚାଲିଥିବା ଦୁଇଟି ଜୁଆଆଡ୍ଡା ନେଇ ପୋଲିସ ଖବର ପାଇଥିଲା । ପରେ, ସେଠାରେ ଚଢାଉ କରାଯାଇଥିଲା ।
ଜୁଆଆଡ୍ଡା ଉପରେ ବାଣପୁର ପୋଲିସର ଚଢ଼ାଉ : ୯ଜୁଆଡ଼ି ଗିରଫ, ଟଙ୍କା ବାଇକ ଜବତ
ଜୁଆ ଖେଳୁଥିବା ୯ ଜଣଙ୍କୁ ଗିରଫ କରାଯାଇଥିବାବେଳେ ୨୫ହଜାର ୭ଶହ ଟଙ୍କା, ୬ଟି ମୋବାଇଲ ଏବଂ ଗୋଟିଏ ବାଇକ୍ ଜବତ କରାଯାଇଛି । ଏହାସହ ଅଧିକ ତଦନ୍ତ ଜାରି ରଖିଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
