ସମାଲୋଚନା, କଟୁକଥା, ଟାହିଟାପରା ଓ ଅଶ୍ଳୀଳ ଇଙ୍ଗିତକୁ ତାଙ୍କର ବେଖାତିର । ବଞ୍ଚିବା ପାଇଁ ଚାଲିଛି ସ୍ବାଭିମାନର ଲଢେଇ । ଆଉ ନିଜ ସଂଘର୍ଷ ବଳରେ ନିଜ ଗୋଡରେ ଛିଡା ହୋଇପାରିଛନ୍ତି କେନ୍ଦୁଝରର ସନ୍ତୋଷିନୀ । ପ୍ରଥମେ କେନ୍ଦୁଝର ଓ ପରେ ରାଜଧାନୀର ରାଜରାସ୍ତାରେ ଚଲାଉଛନ୍ତି ଅଟୋ । ଲକ୍ଷ୍ୟ ମାତ୍ର ଗୋଟିଏ । ନିଜ ଓ ନିଜ ଝିଅ ପାଇଁ ସମାଜରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିବା ।
2011ରେ ସନ୍ତୋଷିନୀ ବିବାହ କରି ଚାଲିଯାଇଥିଲେ ଦିଲ୍ଲୀ । ହେଲେ ସ୍ବାମୀଙ୍କ ନିର୍ଯାତନା ସହ୍ୟ କରିନପାରି ପୁଣି ଚାଲିଆସିଥିଲେ ଓଡ଼ିଶାକୁ । ଆଉ ଏଇଠୁ ଆରମ୍ଭ ହୋଇଥିଲା ଜୀବନ ସହ ଲଢେଇ । ପ୍ରଥମେ କେନ୍ଦୁଝରରେ ଅଟୋ ଚଳାଇ ଗୁଜୁରାଣ ମେଣ୍ଟାଉଥିବା ବେଳେ ଝିଅର ଭବିଷ୍ୟତ ପାଇଁ ଚାଲିଆସିଲେ ଭୁବନେଶ୍ବରକୁ । ହେଲେ ପ୍ରଥମେ ପ୍ରଥମେ ତାଙ୍କୁ ସାମ୍ନା କରିବାକୁ ପଡେ ନାନା ଅସୁବିଧା । କିନ୍ତୁ ସମସ୍ତ ବାଧାବିଘ୍ନକୁ ଏଡାଇ ସେ ଆଜି ସ୍ବାବଲମ୍ବୀ । ଅଟୋ ଚଳାଇ ସେ ନିଜର ଗୁଜୁରାଣ ମେଣ୍ଟାନ୍ତି ନାହିଁ ବରଂ ଦୂର ସମ୍ପର୍କୀୟ ରୋଗୀଙ୍କୁ ପାଖରେ ରଖି ତାଙ୍କ ଚିକିତ୍ସାରେ ମଧ୍ୟ ସହାୟତା କରୁଛନ୍ତି ।
ତେବେ ସଂଘର୍ଷମୟ ଦୁନିଆରେ ସରଳ ଜୀବନ ବିତାଉଥିବା ସନ୍ତୋଷିନୀ ଅନ୍ୟ ମାନଙ୍କ ପାଇଁ ଅନନ୍ୟ ଉଦାହରଣ ପାରଲଟିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
