ଖୋର୍ଦ୍ଧା: ବୀର ପାଇକଙ୍କର ବହୁଦିନର ଦାବି ପୂରଣ ହେଲା । ଆଜି ବରୁଣେଇରେ ରାଷ୍ଟ୍ରପତି ରାମନାଥ କୋବିନ୍ଦ ପାଇକଙ୍କ ସ୍ମୃତି ରକ୍ଷା ନିମନ୍ତେ ପାଇକ ସ୍ମାରକର ଭିତ୍ତି ପ୍ରସ୍ତର ସ୍ଥାପନ କରିଛନ୍ତି । ବରୁଣେଇ ପାଦ ଦେଶରେ ଆୟୋଜିତ ସଭାରେ ରାଷ୍ଟ୍ରପତି ନିଜ ଅଭିଭାଷଣ ଜୟ ଜଗନ୍ନାଥ କହି ଓଡ଼ିଆରେ ଆରମ୍ଭ କରିଥିବା ବେଳେ ଏହି ସ୍ମାରକ ପରବର୍ତ୍ତୀ ପିଢ଼ି ପାଇଁ ପ୍ରେରଣାର ଉତ୍ସ ସାଜିବ ବୋଲି କହିଛନ୍ତି ।
ସେହିପରି ରାଷ୍ଟ୍ରପତି ନିଜ ଅଭିଭାଷଣରେ ଉତ୍କଳ ଜନନୀର ଶକ୍ତି ଚଣ୍ଡାଶୋକକୁ ଧର୍ମାଶୋକରେ ପରିଣତ କରିଥିଲା ତାହା ବଖାଣିଥିଲେ । ସେହିପରି ଓଡ଼ିଶାର ମଉଡମଣି ଗୋପବନ୍ଧୁ, ମଧୁବାବୁ ଓ ବିଜୁବାବୁଙ୍କୁ ମନେ ପକେଇ ନୂଆ ଓଡିଶା ନିର୍ମାଣରେ ଥିବା ତାଙ୍କ ଅବଦାନକୁ ପ୍ରଶଂସା କରିଥିଲେ ।
ସେହିପରି ଏହି ପାଇକ ସ୍ମାରକ ଦ୍ବାରା ଏଠାକୁ ଆସିବାକୁ ଥିବା ପର୍ଯ୍ୟଟକଙ୍କୁ ପାଇକଙ୍କ ବୀର ଗାଥା ବଖାଣିବ ବୋଲି କହିଛନ୍ତି । ଏହି ପାଇକ ସ୍ମାରକ ସଂସ୍କୃତି ମନ୍ତ୍ରଣାଳୟ ଏବଂ ଇଣ୍ଡିଆନ ଅଏଲ ସହଭାଗିତାରେ ନିର୍ମାଣ କରାଯିବ । ମହାମହିମ ରାଷ୍ଟ୍ରପତିଙ୍କ ଏହି ଗସ୍ତରେ ରାଷ୍ଟ୍ରପତିଙ୍କ ସହଧର୍ମିଣୀ ସବିତା କୋବିନ୍ଦ,ଓଡିଶା ଏବଂ ଆନ୍ଧ୍ରପ୍ରଦେଶ ରାଜ୍ୟପାଳ, ଓଡ଼ିଶା ମୁଖ୍ୟମନ୍ତ୍ରୀଙ୍କ ସମେତ ତିନିଜଣ କେନ୍ଦ୍ର ମନ୍ତ୍ରୀ ଏବଂ ରାଜ୍ୟ ପର୍ଯ୍ୟଟନ ମନ୍ତ୍ରୀ ଉପସ୍ଥିତ ଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
