ଖୋର୍ଦ୍ଧା: ଓଡ଼ିଶାର ୩୦ରୁ ୪୦ଜଣ ପିଲା ଲକଡାଉନ୍ ଯୋଗୁଁ ତେଲେଙ୍ଗାନା ରାଜ୍ୟର ମେଦକ ଜିଲ୍ଲାର ବନ୍ଥପଲି ଗ୍ରାମରେ ଫସି ରହିଛନ୍ତି । ଦୁଇ ଦିନ ହେଲା ନଖାଇ ଭୋକ ଉପାସରେ ରହିଥିବା କହିଛନ୍ତି ଯୁବକମାନେ ।
ତେବେ ରୋଜଗାର ଆଶାରେ ରାଜ୍ୟ ଛାଡି ଯାଇଥିବା ଏହି ଯୁବକ କୋରୋନା ପାଇଁ ହୋଇଥିବା ଲକଡାଉନ କାରଣରୁ ଓଡିଶାକୁ ଫେରି ପାରୁନଥିବା ଏକ ଭିଡ଼ିଓ ମାଧ୍ୟମରେ କହିଛନ୍ତି ।
ସେମାନଙ୍କୁ ଓଡିଶା ଫେରାଇ ଆଣିବାକୁ ସରକାର ପାଖରେ ନିବେଦନ କରିଛନ୍ତି । ଖୋର୍ଦ୍ଧା ଜିଲ୍ଲାର ବାଘମାରୀ ଓ ଚିଲିକା ଅଞ୍ଚଳର ଯୁବକମାନେ ଫସି ରହିଥିବା ବେଳେ ଯାଜପୁର, ବଲାଙ୍ଗୀର, ନୟାଗଡ ଏବଂ ନବରଙ୍ଗପୁର ଜିଲ୍ଲାର ଯୁବକ ମଧ୍ୟ ସେମାନଙ୍କ ସହ ରହିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ