ହାଇଦ୍ରାବାଦ: ଆଉ ଦିନ କେଇଟା ପରେ ଧରାବତରଣ କରିବେ ଜଗତ ଜନନୀ ଦୁର୍ଗତୀ ନାଶିନୀ ମା' ଦୁର୍ଗା । ମା' ଆସିବା ସହ ନେଇ ଆସୁଛନ୍ତି ସୁଖ ସମୃଦ୍ଧିର ଭଣ୍ଡାର । ମା'ଙ୍କ ଆଗମନରେ କିଛି ରାଶିଙ୍କ ଉପରେ ପଡ଼ିବାକୁ ଯାଉଛି ଶୁଭ ଦୃଷ୍ଟି । ଦଶହରା ପୂର୍ବରୁ ଏହି ରାଶିର ବ୍ୟକ୍ତିଙ୍କୁ ମିଳିବ ଖୁସି ଖବର । ମା'ଙ୍କ ଆଶୀର୍ବାଦରୁ ଏହି ରାଶିଙ୍କ ଭାଗ୍ୟରେ ଆସୁଛି ବଡ଼ ପରିବର୍ତ୍ତନ । ଧନଧାନ୍ୟ ସହ ପ୍ରତ୍ୟେକ କ୍ଷେତ୍ରରେ ସଫଳତା ପାଇବାକୁ ଯାଉଛନ୍ତି ଏହି ୭ ରାଶିର ବ୍ୟକ୍ତି । ତେବେ କେଉଁ ରାଶି ଉପରେ ମା'ଙ୍କ କରୁଣା ବୃଷ୍ଟି ହେବ ଜାଣନ୍ତୁ
ମେଷ: ମା' ଧରା ପୃଷ୍ଠକୁ ଆସିବା ସହ ମେଷ ରାଶିର ବ୍ୟକ୍ତିଙ୍କ ପାଇଁ ନେଇ ଆସୁଛନ୍ତି ସୁସମ୍ବାଦ । ଏହି ରାଶିର ବ୍ୟକ୍ତି, ଯେଉଁମାନଙ୍କର ବିବାହ ସମସ୍ୟା ଲାଗି ରହିଛି ତାହାର ସମାଧାନ ହେବ । ଖୁବଶୀଘ୍ର ନିଜ ମନ ପସନ୍ଦର ଜୀବନ ସାଥୀ ପାଇବେ । ବ୍ୟବସାୟ ସହ ଜଡ଼ିତ ଥିବା ବ୍ୟକ୍ତିଙ୍କ ପାଇଁ କେବଳ ଉନ୍ନତି ହିଁ ଉନ୍ନତି ରହିଛି । କୌଣସି ଏକ ବଡ଼ ପ୍ରୋଜେକ୍ଟ ଆପଣଙ୍କୁ ମିଳିପାରେ । ଚାକିରି ପାଇଁ ଆଶାୟୀଥିବା ବ୍ୟକ୍ତିମାନଙ୍କୁ ଭାଗ୍ୟ ଫିଟିବାକୁ ଯାଉଛି । ମା'ଙ୍କ କୃପାରୁ କିଛି ଦିନ ମଧ୍ୟରେ ଆପଣଙ୍କୁ ନୂତନ ଚାକିରି ମିଳିବାର ଯୋଗ ରହିଛି । ମହିଳାମାନେ ଘରକୁ ଏକ ଦାମୀ ଜିନିଷ କ୍ରୟ କରିପାରନ୍ତି । ଯାହା ଦୀର୍ଘସ୍ଥାୟୀ ହୋଇ ରହିବ ।
ମିଥୁନ: ମା'ଙ୍କ ଆଶୀର୍ବାଦରୁ ଏହି ରାଶିଙ୍କ ଭାଗ୍ୟରେ ଧନପ୍ରାପ୍ତିର ସଂକେତ ରହିଛି । ଏକ ବଡ଼ କାର୍ଯ୍ୟର ଅୟମାରମ୍ଭ କରିବେ, ଏହାସହ ସେଥିରେ ସଫଳତା ମଧ୍ୟ ହାସଲ କରିବେ । ନିଜ ପିତାମାତାଙ୍କ ଖୁସି ପାଇଁ ସେମାନଙ୍କୁ ବିଦେଶ ବୁଲାଇବାକୁ ନେଇପାରନ୍ତି । ନୂତନ ଚାକିରିର ରାସ୍ତା ଉଜ୍ଜଳ ରହିଛି । କ୍ୟାରିୟରରେ ଅଗ୍ରଗତି ହେବ । ଆୟ ବୃଦ୍ଧିରେ କୌଣସି ପ୍ରତିବନ୍ଧ ଆପଣଙ୍କ ପାଖ ମାଡିବ ନାହିଁ । ଏକ ନୂତନ ଘର କିମ୍ବା କାର କିଣି ପାରିବେ । ନୂତନ ପଦ ଏବଂ ଦାୟିତ୍ୱ ପାଇବେ । ସମାଜରେ ନିଜ କାର୍ଯ୍ୟ ପାଇଁ ସମ୍ମାନ ବୃଦ୍ଧି ପାଇବ । ଶତ୍ରୁମାନେ ପରାସ୍ତ ହେବେ । ସ୍ବାସ୍ଥ୍ୟରେ ଉନ୍ନତି ହେବ ।
କନ୍ୟା: ବର୍ତ୍ତମାନ ସୂର୍ଯ୍ୟଦେବ କନ୍ୟା ରାଶିରେ ଚଳନ କରୁଛନ୍ତି । ସେପଟେ ମା' ଧରାବତରଣ କରିବାକୁ ଯାଉଛନ୍ତି । ତେଣୁ କନ୍ୟା ରାଶିର ବ୍ୟକ୍ତିଙ୍କ ପାଇଁ ଆଗାମୀ ବିନ ବିଶେଷ ସ୍ବତନ୍ତ୍ର ରହିବ । ବିଦେଶ ଯିବାର ସ୍ୱପ୍ନ ପୂରଣ ହୋଇପାରିବ । ଯେଉଁମାନେ ଅଧ୍ୟୟନ ପାଇଁ ବାହାରକୁ ଯିବାକୁ ଚାହୁଁଛନ୍ତି ସେମାନଙ୍କ ପାଇଁ ସଫଳ ହେବ । କିଛି ଦିନ ମଧ୍ୟରେ ବହୁଦିନ ଧରି ଲାଗି ରହିଥିବା ସମସ୍ୟାର ସମାଧାନ ହେବ । ପ୍ରେମୀଯୁଗଳ ବିବାହ କରିବା ପାଇଁ ନିଷ୍ପତ୍ତି ନେବେ । ପରିବାରରେ ଆପଣଙ୍କ ପ୍ରେମ ବିବାହ ପାଇଁ ସ୍ବୀକୃତି ମିଳିବ । ଆୟ ବୃଦ୍ଧି ପାଇପାରେ । ଏହି ସମୟରେ ବ୍ୟବସାୟରେ ଉନ୍ନତି ହେବା ସହ ଲାଭ ମିଳିବ । ସ୍ବାସ୍ଥ୍ୟରେ ଉନ୍ନତି ଆସିବ । ଟଙ୍କା ସଞ୍ଚୟ କରିବାର ଉପାୟ ମିଳିବ । ଉପହାର ସ୍ବରୁପ କୌଣସି ଦାମୀ ରତ୍ନ ଆପଣଙ୍କୁ ପ୍ରାପ୍ତ ହୋଇପାରେ ।
ତୁଳା: ଦଶହରା ପୂର୍ବରୁ ଏହି ରାଶିର ବ୍ୟକ୍ତିଙ୍କୁ ଏକ ବଡ଼ ଖୁସି ଖବର ମିଳିବ । ମା'ଙ୍କ କୃପାରୁ ଆପଣଙ୍କ ରାଶିରେ ଗ୍ରହ ନକ୍ଷତ୍ର ଚାଳନା ସଠିକ ଭାବରେ ରହୁଥିବାକୁ ପ୍ରତ୍ୟେକ କ୍ଷେତ୍ରରେ ସଫଳତା ଆପଣଙ୍କ ସପକ୍ଷରେ ଯିବ । ରାଜନୀତିରେ ସ୍ଥିତି ଓ ପ୍ରତିଷ୍ଠା ବୃଦ୍ଧି ପାଇବେ । ବ୍ୟବସାୟରେ କରାଯାଇଥିବା ପରିବର୍ତ୍ତନ ଲାଭଦାୟକ ପ୍ରମାଣିତ ହେବ । କର୍ମକ୍ଷେତ୍ରରେ ପୂର୍ବରୁ ଥିବା ପ୍ରତିବନ୍ଧକଗୁଡିକ ଦୂରହେବ । ଚାକିରିରେ ପଦୋନ୍ନତି ପାଇବା ସମ୍ଭାବନା ରହିବ । ଆୟର ଉତ୍ସ ବୃଦ୍ଧି ପାଇବ । ସକରାତ୍ମକ ଚିନ୍ତାଧାରା ଯୋଗୁଁ ଆପଣ ସମ୍ମାନ ପାଇବେ । ଦୁଃସାହସିକ କାର୍ଯ୍ୟ କରିବାରେ ସଫଳ ହେବେ । ପତି-ପତ୍ନୀଙ୍କ ମଧ୍ୟରେ ଲାଗି ରହିଥିବା ବିବାଦର ସମାଦାନ ହେବ । ଟଙ୍କା ସମ୍ବନ୍ଧୀୟ ସମସ୍ୟାର ସମାଧାନ ହେବ ।
ଧନୁ: ଆତ୍ମବିଶ୍ବାସ ବୃଦ୍ଧି ପାଇବ । ଆୟର ନୂତନ ଉତ୍ସ ମିଳିବ । କର୍ମକ୍ଷେତ୍ରରେ ସଭିଙ୍କଠାରୁ ସମର୍ଥନ ଓ ସହଯୋଗ ପାଇବେ । ସକରାତ୍ମକ ଚିନ୍ତାଧାରା ଯୋଗୁଁ ଆପଣ ସମ୍ମାନ ପାଇବେ । ଜୀବନସାଥୀଙ୍କ ସହିତ ସମ୍ପର୍କ ଭଲ ହେବ । ବିବାହ ଯୋଗ ରହିଛି । ଆର୍ଥିକ ପ୍ରଗତି ହେବ । ଧନ ଆଗମନର ରାସ୍ତରେ କୌଣସି ପ୍ରତିବନ୍ଧ ରହିବ ନାହିଁ । ପାରିପାର୍ଶ୍ବିକ ଶତ୍ରୁ ବୃଦ୍ଧି ପାଇଲେ ମଧ୍ୟ ମା'ଙ୍କ କୃପାରୁ ଶତ୍ରୁଙ୍କୁ ପରାସ୍ତ କରିବେ । ନୂଆ କାମ ଆରମ୍ଭ କରିବା ପାଇଁ ଆପଣଙ୍କ ପାଇଁ ଏକ ଭଲ ଦିନ ଆସୁଛି । ଚାକିରି କ୍ଷେତ୍ରରେ ବେତନ ବୃଦ୍ଧି ହେବାର ସମ୍ଭାବନା ରହିଛି । ରାଜନୀତିରେ ସକ୍ରିୟ ଥିବା ବ୍ୟକ୍ତି ସଫଳତା ପାଇବେ ।
ମକର: ମା'ଙ୍କ ଆଶୀର୍ବାଦ ଆପଣଙ୍କ ଉପରେ ରହିବ । ଧାର, କରଜ ଋଣ ମୁକ୍ତ ହେବେ । ଆୟ ବୃଦ୍ଧି ଘଟିବ । ନୂତନ ଚାକିରି ପାଇଁ ବାଟ ଫିଟିବ । ଚାକିରି ପାଇଁ ଆଶାୟୀଙ୍କ ମନମୁତାବକ ଚାକିରି ମିଳିବ । ବ୍ୟବସାୟରେ ଏକ ନୂତନ ପ୍ରୋଜେକ୍ଟରେ କାମ କରିବାର ସୁଯୋଗ ମିଳିବ । ସୁଖ ଓ ଭାଗ୍ୟର ବୃଦ୍ଧି ଘଟିବ । ବୃତ୍ତିଗତ ଜୀବନରେ ନିଜର କୌଶଳ ଏବଂ ପ୍ରତିଭା ପ୍ରଦର୍ଶନ ପାଇଁ ସୁଯୋଗ ମିଳିବ । ସାମାଜିକ କାର୍ଯ୍ୟରେ ସକ୍ରିୟ ଭାବେ ଅଂଶଗ୍ରହଣ କରିବେ । ଆର୍ଥିକ ଲାଭ ପାଇବେ । ଆଜି କାର୍ଯ୍ୟକ୍ଷେତ୍ରରେ ଲାଭଜନକ କାରବାର ଦେଖିବେ । ଚାକିରିରେ ପଦୋନ୍ନତି ହେବାର ଯଥେଷ୍ଟ ସମ୍ଭାବନା ରହିଛି ।
କୁମ୍ଭ: ଅନ୍ୟକୁ ଦେଇଥିବା ଟଙ୍କା ସୁଧ ମୁଳ ସହ ଫେରିପାଇବେ । ନୂତନ ଦୋକାନ କିମ୍ବା ବ୍ୟବସାୟ ଆରମ୍ଭ କରିବେ । ମା'ଙ୍କ କରୁଣାରୁ ଏଥିପାଇଁ ଟଙ୍କାର କୌଣସି ସମସ୍ୟା ରହିବ ନାହିଁ । ଯେଉଁ ବ୍ୟକ୍ତିମାନେ ନିଜ ସନ୍ତାନଙ୍କୁ ବିବାହକୁ ନେଇ ଚିନ୍ତିତ ଅଛନ୍ତି ସେମାନଙ୍କ ଚିନ୍ତା ଦୂର ହେବ । ନିଜ ପୁଅ କିମ୍ବା ଝିଅ ପାଇଁ ଭଲ ଜୀବନସାଥୀ ଖୋଜିପାଇବେ । ଆର୍ଥିକ ସ୍ଥିତିରେ ଉନ୍ନତି ହେବ । କର୍ମକ୍ଷେତ୍ରରେ ପ୍ରତିବନ୍ଧକ ରହିବ ନାହିଁ । କିଛି ଗୁରୁତ୍ୱପୂର୍ଣ୍ଣ କାର୍ଯ୍ୟର ସମାପ୍ତି ମନରେ ଖୁସି ବୃଦ୍ଧି କରିବ । ବ୍ୟବସାୟରେ ହଠାତ୍ ଆର୍ଥିକ ଲାଭ ହୋଇପାରେ । ରୋଜଗାରର ସୁଯୋଗ ଉପଲବ୍ଧ ହେବ । ଯାନବାହାନ, କୋଠା ଓ ଜମି କ୍ରୟ ଓ ବିକ୍ରୟରୁ ଆର୍ଥିକ ଲାଭ ହେବାର ଯଥେଷ୍ଟ ସମ୍ଭାବନା ରହିଛି ।
