ଖୋର୍ଦ୍ଧା: ଜିଲ୍ଲା ସ୍ଥିତ 16 ନଂ ଜାତୀୟ ରାଜପଥ ଜଟଣୀ ଗେଟ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଏହି ଦୁର୍ଘଟଣାରେ ଝିଅର ମୃତ୍ୟୁ ହୋଇ ଥିବାବେଳେ ବାପା ଗୁରୁତର ଭାବେ ଆହତ ହୋଇଛନ୍ତି । ରାସ୍ତାରେ ଯାଉଥିବା ସମୟରେ ଏକ ତେଲ ଟ୍ୟାଙ୍କର ଧକ୍କା ଦେବା ଫଳରେ ଏପରି ଏକ ଦୁର୍ଘଟଣା ଘଟିଛି ।
ଚାଲି ଚାଲି ଯାଉଥିଲେ ଧକ୍କାଦେଲା ଟ୍ୟାଙ୍କର: ବାପା ସାମ୍ନାରେ ଚାଲିଗଲା ଝିଅର ଜୀବନ
ସୂଚନା ଅନୁଯାୟୀ ଯାଜପୁର ଜିଲ୍ଲା ରଘୁନାଥପୁରର ପୂର୍ଣ୍ଣଚନ୍ଦ୍ର ରାଉତ ଓ ତାଙ୍କ ଝିଅ ପ୍ରାଚୀ ପ୍ରିୟଦର୍ଶିନୀ ଖୋର୍ଦ୍ଧା ଜିଲ୍ଲା 16 ନଂ ଜାତୀୟ ରାଜପଥ ଜଟଣୀ ଗେଟ୍ ନିକଟରେ ଚାଲି ଚାଲି ଯାଉଥିଲେ । ଏହି ସମୟରେ ଏକ ତେଲ ଟ୍ୟାଙ୍କର ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଝିଅ ପ୍ରାଚୀଙ୍କର ମୃତ୍ୟୁ ହୋଇଥିବାବେଳେ ପୂର୍ଣ୍ଣଚନ୍ଦ୍ର ଗୁରୁତର ଭାବେ ଆହତ ହୋଇଛନ୍ତି । ଖବର ପାଇ ଜଟଣୀ ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇବା ସହ ଗୁରୁତରଙ୍କୁ ଏମସରେ ଭର୍ତ୍ତି କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
