ଖୋର୍ଦ୍ଧା: ଭୁବନେଶ୍ବରରୁ ଜୟପୁର ଯାଉଥିଲେ ବାପା, ପୁଅ ଓ ଜ୍ୱାଇଁ । ପୁଅ କାର ଡ୍ରାଇଭିଂ କରୁଥିଲେ । ହେଲେ ହଠାତ୍ କାରର ପଛ ଚକା ଫାଟି ବାହାରି ଯାଇଥିଲା ଏବଂ ଫଳରେ କାରଟି ଓଲଟି ଯାଇଥିଲା । ଯେଉଁଥିରେ କାର୍ ଚାଳକ ଅର୍ଥାତ୍ ପୁଅ ସବୁଦିନ ପାଇଁ ଆଖି ବୁଜିଛନ୍ତି । ଖୋର୍ଦ୍ଧା ଜିଲ୍ଲା ୧୬ନଂ ଜାତୀୟ ରାଜପଥ ସୁବୁଦ୍ଧି ପାଟଣା ଛକ ନିକଟରେ ଏହି ଘଟିଛି ଏହି ମର୍ମନ୍ତୁଦ ଦୁର୍ଘଟଣା । ଦୁର୍ଘଟଣାରେ ୨ ଜଣ ସାମାନ୍ୟ ଆହତ ହୋଇଛନ୍ତି । ମୃତକ କାର ଚାଳକ ଜଣକ ହେଲେ ଅନିଲ କୁମାର ପାତ୍ର ।
ବାଲୁଗାଁ ଦମକଳ ତୁରନ୍ତ ପହଞ୍ଚି ଗାଡ଼ିରୁ ମୃତଦେହକୁ କାଢ଼ିବା ସହ ଅନ୍ୟ ଦୁଇ ଜଣକୁ ଆହତଙ୍କୁ ଉଦ୍ଧାର କରି ବାଲୁଗାଁ ସରକାରୀ ମେଡିକାଲରେ ଭର୍ତ୍ତି କରିଛନ୍ତି । ଖବର ପାଇ ବାଲୁଗାଁ ପୋଲିସ ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
