ଭୁବନେଶ୍ବର: ଛୋଟ ପିଲାଙ୍କ ପାଇଁ ଖୋଲିଲା ଥାନା, ଅପରାଧର ଶିକାର ହେଲେ ଏଣିକି ଥାନାରେ ଅଭିଯୋଗ କରିପାରିବେ ନାବାଳକ ଓ ନାବାଳିକା । କ୍ରାଇମବ୍ରାଞ୍ଚ ପକ୍ଷରୁ ଉଦଘାଟିତ ହୋଇଛି ୧୬ଟି ବାଲମିତ୍ର ଥାନା(Balmitra police station) । କ୍ରାଇମବ୍ରାଞ୍ଚର ଷ୍ଟେଟ ଫରେନସିକ ଅଫିସ ସମେତ ୧୫ଟି ସ୍ଥାନରେ ଏହି ନୂତନ ଥାନାର ଉଦଘାଟନ କରିଛନ୍ତି ଗୃହରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରା । ଯେଉଁଠାରେ ପୋଲିସ କର୍ମଚାରୀ ମାନେ କେବଳ ଛୋଟପିଲା, ସେ ନାବାଳିକା ହୁଅନ୍ତୁ କି ନାବାଳକ ।
ଥାନାରେ ଅଭିଯୋଗ କଲେ ଅପରାଧ ଜନିତ ମାମଲାର ହେବ ସମାଧାନ। ଏତଦ ବ୍ୟତିତ ଶିଶୁଙ୍କ ମାଆ ବା ମହିଳାମାନେ ଯଦି ଅପରାଧର ଶିକାର ହୋଇଥିବେ ତେବେ ସେମାନେ ଥାନାରେ ପୋଲିସକୁ ଜଣାଇ ପାରିବେ ମନକଥା । ଏନେଇ କ୍ରାଇମବ୍ରାଞ୍ଚର ମହିଳା ଅପରାଧ ଓ ଶିଶୁ ସୁରକ୍ଷା (Crime Against Women & Child welfare)ପକ୍ଷରୁ ଏଭଳି ନିଆରା ପ୍ରୟାସ କରାଯାଇଛି ।
ରସୁଲଗଡ ସ୍ଥିତ ଷ୍ଟେଟ ଫରେନସିକ କାର୍ଯ୍ୟାଳୟ ଭିତରେ ଖୋଲିଛି ଏହି ଥାନା । ଯଦି କେଉଁ ଛୋଟ ପିଲାଟି କାହାର ଭୟର ଶିକାର ହୋଇ କାହାକୁ କିଛି କହିପାରୁନି, ତେବେ କିପରି ପିଲାଟି ଅଭିଯୋଗ କରିପାରିବ ସେନେଇ ବ୍ୟବସ୍ଥା ମଧ୍ୟ କରାଯାଇଛି, ଥାନାରେ ଛୋଟ ପିଲା ମାନେ କିଭଳି ମନଖୋଲି ଅଭିଯୋଗ କରିପାରିବେ ସେଥିପାଇଁ ଖେଳ ଓ ମନୋରଞ୍ଜନ ଭିତିକ ପରିବେଶ ବାଲମିତ୍ର ଥାନାରେ କରାଯାଇଛି । ଲାଇବ୍ରେରୀ ପ୍ଲେ ବୁକ୍ସ ଓ ଖେଳ ସରଞ୍ଜାମ ସହ ଛୋଟ ପିଲା କିପରି ନିଜର ମନକଥା ପ୍ରକାଶ କରିବ ସେ ନେଇ ପ୍ରୟାସ କରାଯାଇଛି ।
ସେହିପରି କେହି କେହି ଥାନାକୁ ନ ଆସିପାରିଲେ ହେଲ୍ପ ଲାଇନ ଜରିଆରେ ମଧ୍ୟ ଅଭିଯୋଗ ଜଣାଇପାରିବେ । ଏନେଇ ମଧ୍ୟ ସମ୍ପର୍କ ହେଲପ ଡେସ୍କ ମଧ୍ୟ ଖୋଲାଯାଇଛି । ଯେଉଁଠି ମହିଳା ଟିଏ ବା ଶିଶୁଟି ନିଜର ଅଭିଯୋଗକୁ ଫୋନ ଜରିଆରେ ଜଣାଇପାରିବ । ଏଥିପାଇଁ କିଛି ଏକ୍ସପର୍ଟ ଟିମ ରହିଛନ୍ତି । ଯେଉଁମାନେ କି ପିଲାଙ୍କ ନିକଟକୁ କଲବ୍ୟାକ କରିବା ସହ ଯୋଗାଯୋଗ କରିବେ । କିଛି ଅସୁବିଧା ଥିଲେ ପୋଲିସ ସହଯୋଗ କରିବ । ଏପରିକି ମାନସିକ ଅବସାଦ ଥିଲେ ହେଲପ ଡେସ୍କ ଜରିଆରେ ସମସ୍ତ ପ୍ରକାଶ ସହଯୋଗ କରିବ ପୋଲିସ ।
ଭୁବନେଶ୍ବର, ଇଟିଭି ଭାରତ
