ଭୁବନେଶ୍ବର: ଓଡ଼ିଆ ସିନେ ପ୍ରେମୀଙ୍କ ପାଇଁ ଖୁସି ଖବର । ପୁଣି ଏକ ସତ ଘଟଣାକୁ ନେଇ ଆଧାରିତ ଫିଲ୍ମ 'ମାଇଣ୍ଡଗେମ' ବଡ ପରଦାରେ ଆସିବାକୁ ଯାଉଛି । ନିକଟରେ ଫିଲ୍ମର ଟ୍ରେଲର ରିଲିଜ ହୋଇଥିବା ବେଲେ ବର୍ତ୍ତମାନ ଫିଲ୍ମର ରିଲିଜ ତାରିଖ ଗୋଷଣା କରିଛନ୍ତି ନିର୍ମାତା । ଏହି ଫିଲ୍ମ ଅକ୍ଟୋବର ମାସରେ ସର୍ବଭାରତୀୟ ସ୍ତରରେ 4ଟି ଭାଷାରେ ଅର୍ଥାତ୍ ଓଡ଼ିଆ, ସମ୍ବଲପୁରୀ, ତେଲୁଗୁ ଏବଂ ହିନ୍ଦୀ ଭାଷାରେ ରିଲିଜ ହେବ ।
ବହୁ ଚର୍ଚ୍ଚିତ ପାଟଣାଗଡ଼ର ପାର୍ସଲ ବୋମା ବିସ୍ପୋରଣକୁ ଆଧାରକରି ସିନେମାଟି ପ୍ରସ୍ତୁତ ହୋଇଛି । ପୂର୍ବରୁ ଫିଲ୍ମର ଟ୍ରେଲର ରିଲିଜ ହୋଇଥିବା ବେଳେ ଏହାକୁ ବେଶ ପସନ୍ଦ କରିଛନ୍ତି ଦର୍ଶକ । ହେଲେ ଫିଲ୍ମର ନାଁ ଓ ଘଟଣାରେ ଅଭିଯୁକ୍ତ ସାବ୍ୟସ୍ତ ହୋଇଥିବା ବ୍ୟକ୍ତିଙ୍କ ପତ୍ନୀଙ୍କ ଅଭଯୋଗକୁ ଆଧାର କରି ବାଦ ବିବାଦରେ ସିନେମାଟି ରହିଥିବା ବେଳେ ଏହା ରିଲିଜ ହେବ କି ନାହିଁ ଦର୍ଶକ ଦ୍ବନ୍ଦରେ ଥିଲେ । ହେଲେ ଏହି ଦ୍ଵନ୍ଦକୁ ଦୂର କରି ଶେଷରେ ରିଲିଜ ହେବାକୁ ଯାଉଛି ଚଳଚ୍ଚିତ୍ର ବୋଲି ସୂଚନା ଦେଇଛନ୍ତି ମୁଖ୍ୟ ଚରିତ୍ରରେ ଥିବା ଓଲିଉଡ ଲୋକପ୍ରିୟ ଅଭିନେତା ମନୋଜ ମିଶ୍ର ଓ ପ୍ରଯୋଜକ ଶ୍ରୀଧର ମାର୍ଥା ।
ହାଇ ବଜେଟରେ ନିର୍ମିତ ହୋଇଛି ମାଇଣ୍ଡଗେମ । ଏହି ଚଳଚ୍ଚିତ୍ରରେ ବଲିଉଡ଼ର ବେଶ ଜଣାଶୁଣା ଓ ପ୍ରତିଷ୍ଠିତ ଅଭିନେତା ଅତୁଲ କୁଲକରନୀ, ଯଶପାଲ ଶର୍ମାଙ୍କ ସମେତ ଓଲିଉଡ ଅଭିନେତ୍ରୀ ଅନୁ ଚୌଧୁରୀ, ପସରା ରାଣୀ ପ୍ରମୁଖ ଅଭିନୟ କରିଛନ୍ତି । ଫିଲ୍ମର ନିର୍ଦ୍ଦେଶନା ଦେଇଛନ୍ତି ରାଷ୍ଟ୍ରୀୟ ପୁରସ୍କାର ପ୍ରାପ୍ତ ରାଜେଶ ଟଚରିଭର । ବଲିଉଡର ଅଭିନେତା ଅତୁଲ ମଧ୍ୟ ଏଥିରେ ଦମଦାର ପ୍ରଦର୍ଶନ କରିଥିବା ବେଳେ ଫିଲ୍ମଟି ଭଲ ହେବ ବୋଲି କହିଛନ୍ତି ପ୍ରଯୋଜକ ।
ଏହା ମଧ୍ୟ ପଢନ୍ତୁ: ଓଡ଼ିଶାରେ ଜମିବ ଗଣେଶ ପୂଜାର ମାହୋଲ, ପରଦାକୁ ଆସୁଛି ୩ଟି ଓଡ଼ିଆ ଫିଲ୍ମ
ସେହିପରି ଅଭିନେତା ମନୋଜ ମିଶ୍ର କହିଛନ୍ତି ଚଳଚ୍ଚିତ୍ରଟି ଏକ ଓଡ଼ିଶାର ସତ୍ୟ ଘଟଣା ଓ ବାସ୍ତବବାଦୀ କାହାଣୀକୁ ନେଇ ପ୍ରସ୍ତୁତ ହୋଇଛି । ଯେଉଁଥିରେ ସଚେତନତାର ବାର୍ତ୍ତା ସହ ଓଡ଼ିଶା ପୋଲିସର କର୍ତ୍ତବ୍ୟର ନିପୁଣତା ଦେଖିବାକୁ ମିଳିଛି । ତେଣୁ ଏହା ପ୍ରତିଟି ସିନେପ୍ରେମୀଙ୍କୁ ଭଲ ଲାଗିବ ସହ ହୃଦୟକୁ ଛୁଇଁବା ବୋଲି କହିଛନ୍ତି ମନୋଜ ମିଶ୍ର । ଏଥିସହ ସମସ୍ତଙ୍କୁ ଫିଲ୍ମ ଦେଖିବାକୁ ନିବେଦନ କରିଛନ୍ତି ଅଭିନେତା ଏବଂ ପ୍ରୟୋଜକ । ତେବେ ଫିଲ୍ମ ଅକ୍ଟୋବର 6ରେ ଓଡ଼ିଆ ଏବଂ ସମ୍ବଲପୁରୀ ରିଲିଜ ହେଉଥିବା ବେଳେ ଏହାର ଦୁଇ ସପ୍ତାହ ପରେ ହିନ୍ଦୀ ଏବଂ ତେଲୁଗୁ ଭାଷାରେ ରିଲିଜ ହେବ ଫିଲ୍ମ ।
ଏହା ମଧ୍ୟ ପଢନ୍ତୁ: ଗଣେଶ ଚତୁର୍ଥୀରେ ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଲେ ଓଲିଉଡ ସେଲିବ୍ରିଟି
ଇଟିଭି ଭାରତ, ଭୁବନେଶ୍ବର
