ଭୁବନେଶ୍ବର: ରାଜ୍ୟ ସରକାରଙ୍କ ଆଣିଛନ୍ତି ନୂଆ ଯୋଜନା ନୂତନ ଉନ୍ନତ ଅଭିଲାଷା ବା NUA ଓଡ଼ିଶା । ଆସନ୍ତା ୩ ବର୍ଷରେ ପ୍ରତିବର୍ଷ ଏକ ଲକ୍ଷ ଯୁବକଯୁବତୀଙ୍କୁ ଦକ୍ଷ କରିବାକୁ ଲକ୍ଷ୍ୟ ରଖିଛନ୍ତି ସରକାର । ଏଥିପାଇଁ ୩୮୫ କୋଟି ଟଙ୍କା ବ୍ୟୟକୁ କ୍ୟାବିନେଟ ମୋହର ମାରିଛି । ଏଥିରେ ରାଜନୈତିକ ଗନ୍ଧ ବାରୁଛନ୍ତି ବିରୋଧୀ । ଯୁବ ଭୋଟରଙ୍କୁ ନିର୍ବାଚନ ଆକୃଷ୍ଟ କରିବା ଲାଗି ଏହା ନିର୍ବାଚନୀ ଥୋପ ବୋଲି ବିରୋଧୀ ଅଭିଯୋଗ କରିଛନ୍ତି । ସେପଟେ ଜବାବ ରଖିଛି ଶାସକ ଦଳ ।
ଏହାବି ପଢନ୍ତୁ- Nutana Unnata Abhilasha Scheme: ‘ନୂଆ ଓଡିଶା’କୁ କ୍ୟାବିନେଟ ମୋହର, ଜାଣନ୍ତୁ କଣ ଏହି ଯୋଜନା
ବିଜୁ ଯୁବ ବାହିନୀ ପରି ରାଜ୍ୟ ସରକାରଙ୍କ ନୂଆ ଓଡିଶା ଥୋପ । ବିଜେଡି ଫୋକ୍ସରେ ଯୁବ ଭୋଟର । ଦକ୍ଷତା ବିକାଶ ନାଁ'ରେ ଯୁବ ବର୍ଗଙ୍କୁ ଆକୃଷ୍ଟ କରିବା ଲାଗି ପ୍ରୟାସ । ଏଥିପାଇଁ ବିଜେଡି ନେତୃତ୍ୱାଧୀନ ରାଜ୍ୟ ସରକାର ଆଣିଛନ୍ତି ନୂଆ ଯୋଜନା ନୂତନ ଉନ୍ନତ ଅଭିଲାଷା ବା NUA ଓଡ଼ିଶା । ଯୋଜନାକୁ ମୋହର ମାରିଛି ରାଜ୍ୟ କ୍ୟାବିନେଟ । ଆସନ୍ତା ୩ ବର୍ଷରେ ପ୍ରତିବର୍ଷ ଏକ ଲକ୍ଷ ଯୁବକଯୁବତୀଙ୍କୁ ଦକ୍ଷ କରିବାକୁ ଲକ୍ଷ୍ୟ ରଖିଛନ୍ତି ସରକାର । ଏଥିପାଇଁ ୩୮୫ କୋଟି ଟଙ୍କା ବ୍ୟୟକୁ ମୋହର ମାରିଛି କ୍ୟାବିନେଟ । ଉନ୍ନତମାନର ପ୍ରଶିକ୍ଷଣ, ଶିଳ୍ପ ସଂଯୋଗକୁ ପ୍ରୋତ୍ସାହନ ଏବଂ ନିଯୁକ୍ତି ଦକ୍ଷତା ବୃଦ୍ଧି କରିବା ଦିଗରେ ଏହି ଯୋଜନା କାର୍ଯ୍ୟ କରିବ । ରାଜ୍ୟର ୩୦ଟି ଜିଲ୍ଲାରେ ଏହି ଯୋଜନା କାର୍ଯ୍ୟକାରୀ ହେବ । ଦକ୍ଷତା ବିକାଶ ଓ ବୈଷୟିକ ଶିକ୍ଷା ବିଭାଗର ଦକ୍ଷତା ଅନୁଷ୍ଠାନ, ସରକାରୀ ଦକ୍ଷତା ଅନୁଷ୍ଠାନ, ଶିକ୍ଷାନୁଷ୍ଠାନ ମାଧ୍ୟମରେ ଦକ୍ଷତା, Reskilling ଏବଂ Upskilling ସୁଯୋଗ ଯୋଗାଇ ଦିଆଯିବ ।
୨୦୧୯ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ୨୦୧୮ରେ ରାଜ୍ୟ ସରକାର ଗଠନ କରିଥିଲେ ବିଜୁ ଯୁବ ବାହିନୀ । ରାଜ୍ୟ ରଜକୋଷରୁ ବ୍ୟୟ ବରାଦ ହୋଇଥିଲା ୪୫୦ କୋଟି ଟଙ୍କା । ନିର୍ବାଚନ ବର୍ଷ ୨୦୧୯/୨୦ ରେ କେବଳ ବିଜୁ ଯୁବ ବାହିନୀ ପାଇଁ ଖର୍ଚ୍ଚ ହୋଇଥିଲା ୧୩୦ କୋଟି ଟଙ୍କା । ବିଜୁ ଯୁବ ବାହିନୀରେ ୨ ଲକ୍ଷ ୭୯ ହାଜର ୨୬୮ ଯୁବକ ଯୁବତୀଙ୍କୁ ସାମିଲ କରାଯାଇଥିଲା । କିନ୍ତୁ ନିର୍ବାଚନ ପରେ ବନ୍ଦ ହୋଇଯାଇଥିଲା ବିଜୁ ଯୁବ ବାହିନୀ ଯୋଜନା । ଠିକ ୨୦୧୯ ପରି ୨୦୧୪ ନିର୍ବାଚନ ଦଖଲ କରିବା ଲାଗି ପୁଣି ଥରେ ଯୁବ ଭୋଟଙ୍କୁ ମୋହରା କରିଛନ୍ତି ବିଜେଡି ସରକାର । ନିର୍ବାଚନ ଆଗରେ ଥିବାରୁ ନୂଆ ଓଡ଼ିଶା ଯୋଜନା ଫାସରେ ଯୁବ ବର୍ଗଙ୍କୁ ପକାଇବାକୁ ସରକାର ଯୋଜନା କରିଥିବା ବିରୋଧୀ ଅଭିଯୋଗ କରିଛନ୍ତି ।
