ଖୋର୍ଦ୍ଧା: ଗରିବମାନଙ୍କୁ ଖାଇବାକୁ ଆହାର ଓ ମୁଣ୍ଡ ଗୁଞ୍ଜିବାକୁ ପକ୍କାଘର ଯୋଗାଇ ଦିଆଯିବ ବୋଲି ରାଜ୍ୟସରକାର ସରକାର ଡିଣ୍ଡିମ ପିଟୁଥିବା ବେଳେ ଏହାର ଏକ ନଗ୍ନ ଚିତ୍ର ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବୋଲଗଡ ବ୍ଳକ ଆରିକିମା ପଞ୍ଚାୟତ କୋଟସିଙ୍ଗା ଗ୍ରାମରେ । ଏଠାରେ ଥିହା ନିର୍ମଳା ସାହୁଙ୍କ ପାଖେ ପହଞ୍ଚିପାରିନି ସରକାରୀ ସହୟତା ।
ଅଙ୍ଗନବାଡି କେନ୍ଦ୍ରରେ ବିତୁଛି ଜୀବନ, ମିଳିପାରୁନି ସରକାରୀ ସହାୟତା
ଦୁଇବର୍ଷ ତଳୁ ନିର୍ମଳାଙ୍କ ସ୍ୱାମୀଙ୍କ ମୃତ୍ୟୁ ହୋଇଥିବା ବେଳେ ନିଜର ଘର ଖଣ୍ଡକ ଭାଙ୍ଗି ଯାଇଥିବା କରଣରୁ ସେ ତାଙ୍କ ପୁଅକୁ ଧରି ଗାଁ ଅଙ୍ଗନବାଡି କେନ୍ଦ୍ରରେ ପଡିରହିଛନ୍ତି । ସରକାର ଗରିବଙ୍କୁ ଯୋଗାଉଥିବା ବିଜୁ ପକ୍କା ଘର ତାଙ୍କ ପାଇଁ ହୋଇଛି ସାତ ସପନ । ତୁରନ୍ତ ନିର୍ମଳାଙ୍କୁ ପକାଘର ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି । ସେପଟେ ବୋଲଗଡ଼ ବିଡିଓଙ୍କୁ ଏ ସମ୍ପର୍କରେ ଯୋଗାଯୋଗ କରିଥିଲେ ମଧ୍ୟ ତାହା ସମ୍ଭବ ହୋଇପାରି ନଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
