ଖୋର୍ଦ୍ଧା: କୋଭିଡ୍ କଟକଣା ଭିତରେ ଆରମ୍ଭ ହୋଇଯାଇଛି ନବରାତ୍ର ପୂଜା । ବିଭିନ୍ନ ଦେବୀ ମନ୍ଦିରରେ ନଅ ଦିନ ଧରି ବେଶ ଧୁମଧାମରେ ଏହା ପାଳନ କରାଯାଏ । ସେହିପରି ରାଜ୍ୟର ଅନ୍ୟତମ ତନ୍ତ୍ର ପୀଠ ଭାବେ ଖ୍ୟାତି ଅର୍ଜନ କରିଥିବା ଭୁଷଣ୍ଡପୁର ମା ଉଗ୍ରତାରା ତନ୍ତ୍ର ପୀଠରେ ବିଜୟା ଦଶମୀ ଅବସରରେ ନବରାତ୍ର ପୂଜା ଚାଲୁରହିଛି । ପ୍ରତ୍ୟକ୍ଷ ଦେବୀ ମା ଉଗ୍ରତାରାଙ୍କ ପାଖରେ ବିଜୟା ଦଶମୀରେ ଦର୍ଶନ କରିଲେ ମାନସିକ ପୂର୍ଣ୍ଣ ହୋଇଥାଏ ବୋଲି ସମସ୍ତେ ଜାଣନ୍ତି ।
ବିନା ଭକ୍ତରେ ଚାଲିଛି ମାଙ୍କ ନବଦିନାତ୍ମକ ପୂଜା
କିନ୍ତୁ ଚଳିତ ବର୍ଷ କୋରୋନା କଟକଣା ଯୋଗୁ ଖାଁ ଖାଁ ପୁରା ପରିବେଶ । ଏଥର ମାଙ୍କ ଦର୍ଶନରୁ ବଞ୍ଚିତ ହୋଇଛନ୍ତି ଭକ୍ତମାନେ । କାରଣ ମନ୍ଦିର ପରିସରରେ ଜିଲ୍ଲା ପ୍ରଶାସନ ପକ୍ଷରୁ ଜାରି ହୋଇଛି 144 ଧାରା । ଏହି ନବରାତ୍ର ପୂଜାରେ ମା ଉଗ୍ରତାରା ନଅଟି ବେଶରେ ଦର୍ଶନ ଦେଇଥାନ୍ତି । କିନ୍ତୁ ଚଳିତ ବର୍ଷ ମହାମାରୀ କୋରୋନା ସବୁକିଛି ଛଡାଇ ନେଇଥିବା ଦେଖିବାକୁ ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
