ଭୁବନେଶ୍ବର: ରାଜ୍ୟରେ ଉତ୍କଟ ବେକାରୀ ସମସ୍ୟା ଓ ବେରୋଜଗାରୀକୁ ନେଇ ଛାତ୍ର କଂଗ୍ରେସର ବିକ୍ଷୋଭ । ଓଡ଼ିଶାର ବେକାରୀ ଯୁବକ ଯୁବତୀଙ୍କ କର୍ମ ସଂସ୍ଥାନ ପାଇଁ ଛାତ୍ର କଂଗ୍ରେସ ପକ୍ଷରୁ ନିଯୁକ୍ତି କ୍ରାନ୍ତି । ଛାତ୍ର କଂଗ୍ରେସ ପକ୍ଷରୁ ସାରା ରାଜ୍ୟରେ ସମସ୍ତ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି । ରାଜ୍ୟରେ ବେରୋଜଗାରୀ ଏକ ଉତ୍କଟ ସମସ୍ୟା ଭାବରେ ମୁଣ୍ଡ ଟେକିଛି । ହେଲେ ରାଜ୍ୟ ସରକାର ଏହାର ସମାଧାନ ଡିଗରେ କୌଣସି ପଦକ୍ଷେପ ଗ୍ରହଣ କରିନାହାଁନ୍ତି ବୋଲି ଅଭିଯୋଗ ଆଣିଛି ଛାତ୍ର କଂଗ୍ରେସ । ଭୁବନେଶ୍ବର ଜିଲ୍ଲା ଛାତ୍ର କଂଗ୍ରେସ ପକ୍ଷରୁ ୫ ଦଫା ଦାବି ନେଇ ଆଜି ଭୁବନେଶ୍ବର ସ୍ଥିତ ଏଡିଏମ କାର୍ଯ୍ୟାଳୟ ସମ୍ମୁଖରେ ‘ନିଯୁକ୍ତି କ୍ରାନ୍ତି’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏଥିରେ ଛାତ୍ର କଂଗ୍ରେସର ଶତାଧିକ ଛାତ୍ରଛାତ୍ରୀ ଏଡିଏମ୍ କାର୍ଯ୍ୟାଳୟ ଆଗରେ ଧାରଣା ଦେଇ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ । ଶିକ୍ଷିତ ଯୁବବର୍ଗଙ୍କ ପାଇଁ ରାଜ୍ୟରେ କର୍ମ ସଂସ୍ଥାନ ନଥିବାରୁ ସେମାନେ ବାହାରକୁ ଚାଲି ଯାଉଛନ୍ତି। ରାଜ୍ୟ ସରକାର ବିଧାନସଭାରେ ତଥ୍ୟ ରଖିଛନ୍ତି ରାଜ୍ୟରେ 2 ଲକ୍ଷ 26 ହଜାର ପଦବୀ ଖାଲି ପଡ଼ିଥିବାବେଳେ, 9 ଲକ୍ଷ ଯୁବକଯୁବତୀ ପଞ୍ଜିକୃତ କରି କାମ ଅନ୍ବେଷଣରେ ବିଭିନ୍ନ ସ୍ଥାନ ଘୁରି ବୁଲୁଛନ୍ତି। ବାହାର ଠିକାଦାର ଙ୍କୁ କାହିଁକି ଏତେ ଅଗ୍ରାଧିକାର ଦିଆଯାଉଛି। ଯୋଉଠିକି ଓଡ଼ିଆ ଠିକାଦାର ମାନେ କାମ ନପାଇ ଅସୁବିଧା ର ସମ୍ମୁଖୀନ ହେଉଛନ୍ତି ବୋଲି ସଂଗଠନ ପ୍ରଶ୍ନ କରିଛି ।
ଅଧିକ ପଢନ୍ତୁ- ସମନ୍ବିତ ଯୁବ ବିକାଶ କାର୍ଯ୍ୟକ୍ରମ କେବଳ ନିର୍ବାଚନୀ ଥୋପ: କଂଗ୍ରେସ
ସଂଗଠନ ଅଭିଯୋଗ କରି କହିଛି ରାଜ୍ୟ ସରକାର ନିଯୁକ୍ତି କ୍ଷେତ୍ରରେ କୌଣସି ପଦକ୍ଷେପ ଗ୍ରହଣ କରୁନାହାନ୍ତି । ଆଜି ଓଡ଼ିଶାରେ ବେକାରୀ ସମସ୍ୟା ହୁ ହୁ ହୋଇ ବଢିଚାଲିଛି। ସରକାର କହିଥିଲେ ପ୍ରତିବର୍ଷ 2 ଲକ୍ଷ ଚାକିରି ଦେବେ । ହେଲେ 24 ବର୍ଷ ହେବ ବେକାରୀ ସମସ୍ୟା ଯେଉଁଭଳି ବୃଦ୍ଧି ପାଉଛି ଯୁବବର୍ଗ ଆଜି ହତାଶ। ରାଜ୍ୟରେ ଖାଲି ପଡ଼ିଥିବା 2 ଲକ୍ଷ 26 ହଜାର ସରକାରୀ ପଦବୀକୁ ନିର୍ଦ୍ଦିଷ୍ଟ ସମୟ ସୀମା ଭିତରେ ପୂରଣ କରନ୍ତୁ ସରକାର । ସମସ୍ତ ଘରୋଇ ଶିଳ୍ପ ଏବଂ ବ୍ୟବସାୟ ପ୍ରତିଷ୍ଠାନରେ 80 ପ୍ରତିଶତ ଓଡ଼ିଆ ଲୋକଙ୍କୁ ନିଯୁକ୍ତି ଦିଆଯାଉ । ସରକାରୀ ଚାକିରିରେ ଚୁକ୍ତିଭିତ୍ତିକ ଓ ଠିକା ନିଯୁକ୍ତି ବାତିଲ କରାଯାଉ । ପ୍ରବାସୀ ଓଡ଼ିଆମାନଙ୍କ ପାଇଁ ଓଡ଼ିଶାରେ କର୍ମ ସଂସ୍ଥାନକୁ ଅଗ୍ରାଧିକାର ଦିଅନ୍ତୁ ରାଜ୍ୟ ସରକାର। ସେମାନଙ୍କ ପାଇଁ ସ୍ବତନ୍ତ୍ର ପ୍ୟାକେଜ ପ୍ରସ୍ତୁତ କରାଯାଉ । ବେକାରୀ ଭତ୍ତା 5000 ଟଙ୍କା ପ୍ରଦାନ କରାଯାଉ । ଏହି ସବୁ ଦାବି ନେଇ ଛାତ୍ର କଂଗ୍ରେସ ଆଜି ସାରା ରାଜ୍ୟରେ ଜିଲାପାଳ ମାନଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛି ।
ଇଟିଭି ଭାରତ, ଭୁବନେଶ୍ବର
