ଖୋର୍ଦ୍ଧା: ଦିନ ଦ୍ୱିପହରରେ ରାସ୍ତା ମଝିରେ ବନ୍ଧୁକ ମୁନରେ ହୋଇଛି ଲୁଟ । ଲୁଟର ଶିକାର ହୋଇଛନ୍ତି ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ଆଙ୍କୁଲା ପଦର ଗ୍ରାମର ଲଲାଟ କୁମାର ବେହେରା ଓ ତାଙ୍କ ଝିଅ ସୁନୀତା ବେହେରା ।
ଗତକାଲି(ଗୁରୁବାର) ମଧ୍ୟାହ୍ନ ସମୟରେ ଲଲାଟ ଓ ତାଙ୍କ ଝିଅ ସୁନୀତା ଖୋର୍ଦ୍ଧାରୁ ଟିକା ନେଇ ଫେରୁଥିଲେ । ଏହି ସମୟରେ ପୁର୍ବରୁ ଏକ ମୋଟର ସାଇକେଲରେ ଏମାନଙ୍କ ପିଛା କରି ଆସୁଥିବା କିଛି ଦୁର୍ବୁତ୍ତ ଭାଟପଡା ଓ ବିଞ୍ଝାଳ ମଧ୍ୟବର୍ତ୍ତୀ ଏକ ଶୁନ୍ ଶାନ୍ ଜାଗାରେ ଲଲାଟଙ୍କ ଗାଡି ଅଟକାଇ ତାଙ୍କ ମୁଣ୍ଡରେ ବନ୍ଧୁକ ଲଗାଇ ଭୟଭୀତ କରିଥିଲେ ।
ଏନେଇ ବାପ-ଝିଅ ପ୍ରତିବାଦ କରିବାରୁ ଦୁର୍ବୃତ୍ତ ଉଭୟଙ୍କୁ ବନ୍ଧୁକରେ ମାଡମାରି ଲହୁ ଲୁହାଣ କରି ସୁନୀତା ପିନ୍ଧିଥିବା ୧୨ ଗ୍ରାମର ସୁନା ଚେନ ସହ ଲଲାଟଙ୍କ ଠାରୁ ନଗଦ ୫୦୦୦ ଟଙ୍କା ଓ ଅତ୍ୟାବଶ୍ୟକ କାଗଜପତ୍ର ଲୁଟି ନେଇଛନ୍ତି ଦୁର୍ବୃତ୍ତ । ଏନେଇ ଲଲାଟ ବାଣପୁର ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
