ଭୁବନେଶ୍ବର: ନୂଆ ମୋଟରଯାନ ଆଇନ ଲାଗୁ ହେବା ପରେ ମୋଟା ଅଙ୍କର ଜରିମାନା ଲାଗୁଛି । ତେବେ ଏନେଇ ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ପ୍ରତିକ୍ରିୟା ରଖିଛନ୍ତି । କେନ୍ଦ୍ର ସରକାରଙ୍କ ପକ୍ଷରୁ ଆସିଥିବା ନିର୍ଦ୍ଦେଶ ଅନୁସାରେ ଏ ନିୟମ ଲାଗୁ କରାଯାଇଥିବା ସେ କହିଛନ୍ତି।
ପରିବହନ ମନ୍ତ୍ରୀ କହିଛନ୍ତି ଯେ, ନିୟମ ତିଆରି କରିବାର ଅଧିକାର ରାଜ୍ୟ ପାଖରେ ରହିଛି । ଆମେ ପରବର୍ତ୍ତୀ ପର୍ଯ୍ୟାୟରେ ରୁଲରେ ପରିବର୍ତ୍ତନ ନେଇ ଆଲୋଚନା କରିବୁ । ଯେଉଁମାନେ ଟ୍ରାଫିକ ନିୟମ ଭାଙ୍ଗୁଛନ୍ତି ,ସେମାନେ ଏହାକୁ ମାନିବା ଉଚିତ୍ । ଏହା ଏକ ଅର୍ଥ ଦଣ୍ଡ ,ଲୋକ ସଚେତନ ହେବେ । ଅଧିକ ଫାଇନ୍ ହେଲେ ଲୋକଙ୍କ ଭୟ ରହିବ । ଟ୍ରାଫିକ ନିୟମ ମାନିବେ ।
ଗତକାଲି ଭୁବନେଶ୍ବରରେ ଏକ ଅଟୋ ଡ୍ରାଇଭର ଉପରେ ୪୭,୫୦୦ ଜରିମାନା ଲାଗିଛି । ଏହାକୁ ନେଇ ଉପରେ ମନ୍ତ୍ରୀ କହିଛନ୍ତି ଯେ, ଅଟୋ ଚାଳକର ଲାଇସେନ୍ସ ନାହିଁ, ମଦ ପିଇ ଗାଡି ଚଲାଉଥିଲେ ଏବଂ ଏହାର ଅଟୋ ଫିଟ୍ନେସ୍ ନାହିଁ । ଫଳରେ ଏଭଳି ଫାଇନ ଲାଗିଛି । ଏଥି ସହ ଏହାର ଯାଞ୍ଚ ମଧ୍ୟ କରିବେ ବୋଲି ମନ୍ତ୍ରୀ କହିଛନ୍ତି।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
