ଖୁର୍ଦ୍ଧା: ଲୁଗା ଓ ଟେସନାରୀ ଦୋକାନୀରୁ ତାଲା ଭାଙ୍ଗି ଲକ୍ଷାଧିକ ଟଙ୍କାର ସାମଗ୍ରୀ ଲୁଟ କଲେ ଦୁର୍ବୃ୍ତ୍ତ । ବାଘମାରୀ ଥାନା ଅନ୍ତର୍ଗତ ଦିନିଆରୀ ଟାଙ୍ଗୀ ସାହିର ଫକୀର ରାଉତରାୟଙ୍କ ଲୁଗା ଓ ଟେସନାରୀ ଦୋକାନରୁ ଗତକାଲି ବିଳମ୍ବିତ ରାତିରେ ଦୁର୍ବୃ୍ତ୍ତମାନେ ଦୋକାନ ତାଲା ଭାଙ୍ଗି ଲକ୍ଷାଧିକ ଟଙ୍କାର ଲୁଗା ,ଶାଢ଼ୀ ,ସାର୍ଟ ପ୍ୟାଣ୍ଟ ସହ ଟେସନାରୀ ସାମଗ୍ରୀ ଲୁଟ ହୋଇଥିବାର ବାଘମାରି ଥାନାରେ ଅଭିଯୋଗ ହୋଇଛି । ଅଭିଯୋଗ ପାଇ ବାଘମାରି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଲୁଗା ଦୋକାନରୁ ତାଲା ଭାଙ୍ଗି ଲକ୍ଷାଧିକ ଟଙ୍କାର ସାମଗ୍ରୀ ଲୁଟ
ଗୋଟିଏ ପଟେ ଲକଡାଉନ ଓ ସଟଡାଉନ ଚାଲିଥିବା ବେଳେ ଲୁଟେରା ମାନଙ୍କର ସକ୍ରିୟତା ବାଘମାରି ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ଅନ୍ୟପଟେ ବାଘମାରି ପୋଲିସ ରାତିରେ ପାଟ୍ରୋଲିଂ କରୁନଥିବା ଯୋଗୁଁ ଏହି ଭଳି ପରିସ୍ଥିତି ସୃଷ୍ଟି ହେଉଥିବା ସାଧାରଣରେ ଆଲୋଚନା ହେଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
