ଖୋର୍ଦ୍ଧା: କ୍ୱାରେଣ୍ଟିନ ସେଣ୍ଟରରେ ଥାଇ ଖୁଲମଖୁଲା ବାହାରେ ବୁଲୁଛନ୍ତି ପ୍ରବାସୀ । ଯାହା ସ୍ଥାନୀୟ ଲୋକଙ୍କ ପାଇଁ ଚିନ୍ତାର କାରଣ ପାଲଟିଛି । ଏପରି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ପ୍ରାଣନାଥ ସ୍ୱୟଂଶାସିତ ମହାବିଦ୍ୟାଳୟରେ ହୋଇଥିବା ଅସ୍ଥାୟୀ କ୍ୱାରେଣ୍ଟିନ ସେଣ୍ଟରରେ ।
କ୍ୱାରେଣ୍ଟିନ ସେଣ୍ଟରରେ ଥାଇ ଖୁଲମଖୁଲା ବାହାରେ ବୁଲୁଛନ୍ତି ପ୍ରବାସୀ
ଏହି କେନ୍ଦ୍ରରେ ରାଜ୍ୟ ବାହାରୁ ଆସିଥିବା ପ୍ରବାସୀଙ୍କୁ ଆଣି ରଖାଯାଇଛି । କିନ୍ତୁ କ୍ୱାରେଣ୍ଟିନ ଥିବା ପ୍ରବାସୀମାନେ କେନ୍ଦ୍ର ଭିତରେ ନରହି ଖୁଲମଖୁଲା ବାହାରେ ବୁଲୁଥିବା ଦେଖାଦେଇଛି । ଏହାକୁ ନେଇ କିଛି ସ୍ଥାନୀୟ ଲୋକ ସେମାନଙ୍କର ଭିଡ଼ିଓ କରି ଜିଲ୍ଲାପାଳଙ୍କୁ ଅଭିଯୋଗ କରିଛନ୍ତି ।
ପ୍ରବାସୀ ଶ୍ରମିକ ମାନଙ୍କର ଏପରି ବାହାରେ ଖୁଲମଖୁଲା ବୁଲିବା ଦ୍ୱାରା କୋରୋନା ମହାମାରୀ ବ୍ୟାପିବା ଆଶଙ୍କା କରି ଭୟଭୀତ ଅଛନ୍ତି ସ୍ଥାନୀୟ ବାସିନ୍ଦା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
