ଖୋର୍ଦ୍ଧା: ପ୍ରବାସୀ ଯାଉଥିବା ବସ ଦୁର୍ଘଟଣାଗ୍ରସ୍ତ । ଖୋର୍ଦ୍ଧା ଜିଲ୍ଲା ୧୬ ନଂ ଜାତୀୟ ରାଜପଥର ଟାଙ୍ଗି ଥାନା ଅନ୍ତର୍ଗତ କୋଚିଲା ଛକ ନିକଟରେ ଏକ ପ୍ରବାସୀ ନେଇ ଯାଉଥିବା ବସ ଦୁର୍ଘଟଣାଗ୍ରସ୍ତ ହୋଇଛି । ଯେଉଁଥିରେ ଡ୍ରାଇଭର ସହ ଦୁଇ ପ୍ରବାସୀ ଆହତ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ଗତ ୨୬ ତାରିଖ ସନ୍ଧ୍ୟା ୫ଟା ସମୟରେ ବିହାରରୁ ତାମିଲନାଡୁର ଇସାନଗଞ୍ଜ ଜିଲ୍ଲାର ୩୦ ଜଣ ପ୍ରବାସୀଙ୍କୁ ନେଇ ବସଟି ଯାଉଥିଲା । ତେବେ ରବିବାର ସକାଳେ ବସଟି ଆସୁଥିବା ସମୟରେ ଜାତୀୟ ରାଜପଥ ଉପରେ ଠିଆ ହୋଇଥିବା ଏକ ଆଇରନ ବୋଝେଇ ଟ୍ରକକୁ ବସଟି ପଛପଟୁ ଧକ୍କା ଦେଇଥିଲା ।
ପ୍ରବାସୀଙ୍କୁ ନେଇ ଯାଉଥିବା ବସ୍ ଦୁର୍ଘଟଣାଗ୍ରସ୍ତ
ଏହି ଦୁର୍ଘଟଣାରେ ଡ୍ରାଇଭର ସହ ଦୁଇ ପ୍ରବାସୀ ଆହତ ହୋଇଛନ୍ତି । ଖୋର୍ଦ୍ଧା ଜିଲ୍ଲା କୁହୁଡ଼ି ଫାଣ୍ଡି ପକ୍ଷରୁ ସେମାନଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି । ବର୍ତ୍ତମାନ ସମସ୍ତ ପ୍ରବାସୀ ସୁସ୍ଥ ଓ ସୁରକ୍ଷିତ ଅଛନ୍ତି ବୋଲି କୁହୁଡ଼ି ଫାଣ୍ଡି ଅଧିକାରୀ କହିଛନ୍ତି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
