ଖୋର୍ଦ୍ଧା: କ୍ଷେତରୁ ଚାଷୀ ଧାନ କାଟି ଅମଳ କଲେଣି । କିନ୍ତୁ ଖୋର୍ଦ୍ଧା ଜିଲ୍ଲା ସେବା ସମବାୟ ସମିତିରେ ଏପର୍ଯ୍ୟନ୍ତ ମଣ୍ଡି ଖୋଲି ନଥିବାରୁ ଚାଷୀ ନିଜ ଅମଳ ଫସଲକୁ ବିକ୍ରି କରି ଉଚିତ ମୂଲ୍ୟ ପାଉନଥିବା ଅଭିଯୋଗ କରିଛନ୍ତି ।
ସୂଚନା ଅନୁଯାୟୀ, ଜିଲ୍ଲାରେ ମୋଟ 138ଟି ସମବାୟ ସମିତିରେ ସରକାର ଧାନକ୍ରୟ କରିବାକୁ ଥିବାବେଳେ ଏବେ ମାତ୍ର ପାଞ୍ଚୋଟି ସମିତିରେ ମଣ୍ଡି ଖୋଲିଛି । ଅନ୍ୟ ସମବାୟ ସମିତିରେ କେବେ ମଣ୍ଡି ଖୋଲିବ, ତାହା ଏପର୍ଯ୍ୟନ୍ତ ସ୍ଥିର ହୋଇନଥିବାବେଳେ ଚିନ୍ତାରେ ପଡିଛି ଚାଷୀକୂଳ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଏପଟେ ଏପର୍ଯ୍ୟନ୍ତ ସରକାର ଅମଳ ଧାନକୁ ବିକ୍ରି ପାଇଁ କୌଣସି ବ୍ୟବସ୍ଥା କରିନାହାଁନ୍ତି । ଯେଉଁଥିପାଇଁ ଅନ୍ୟ ରାଜ୍ୟର ଧାନ ବେପାରୀ ଶାଗମାଛ ଦରରେ ଧାନ କିଣି ଚାଷୀଙ୍କୁ ଶୋଷଣ କରୁଛନ୍ତି । ତେବେ ଏ ସମ୍ପର୍କରେ ଜିଲ୍ଲା ଯୋଗାଣ ଅଧିକାରୀଙ୍କୁ ଆମ ଇଟିଭି ଭାରତ ପ୍ରତିନିଧି ଯୋଗାଯୋଗ କରିବାକୁ ଚେଷ୍ଟା କରିଥିଲେ ମଧ୍ୟ ତାହା ସମ୍ଭବ ହୋଇପାରିନାହିଁ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
