ଖୋର୍ଦ୍ଧା: ପଡୋଶୀଙ୍କ କଟୁରୀ ଚୋଟରେ ଗଲା ଜୀବନ । ସାମାନ୍ୟ ଗଣ୍ଡଗୋଳରୁ ଘଟିଛି ହତ୍ୟାକାଣ୍ଡ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ଖୋର୍ଦ୍ଧା ସଦର ଥାନା ଅନ୍ତର୍ଗତ ତାପଙ୍ଗ ଟାଙ୍ଗି ସାହିର ବୈକୁଣ୍ଠ ବେହେରାଙ୍କ ସହ ପଡୋଶୀଙ୍କ ଖୁଦୁରୁକୁଣୀ ପର୍ବ ପାଳନକୁ ନେଇ ଗଣ୍ଡଗୋଳ ହୋଇଥିଲା । ବିବାଦ ତୀବ୍ରତର ହେବାରୁ ପଡୋଶୀଙ୍କ ଘରୁ କଟୁରୀ ଆଣି ବୈକୁଣ୍ଠଙ୍କୁ ଆକ୍ରମଣ କରିଥିଲେ ।
ଖୁଦୁରୁକୁଣୀ ଓଷାକୁ ନେଇ ହତ୍ୟାକାଣ୍ଡ ;4 ଅଟକ
ତେବେ ଆକ୍ରମଣରେ ଗୁରୁତର ହୋଇପଡିଥିଲେ ବୈକୁଣ୍ଠ । ତାଙ୍କୁ ଉଦ୍ଧାର କରାଯାଇ ଖୋର୍ଦ୍ଧା ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ମେଡିକାଲରେ ତାଙ୍କର ମୃତ୍ୟୁ ଘଟିଛି। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି । ଏହାସହ ଉଭୟ ପକ୍ଷରୁ ଚାରି ଜଣଙ୍କୁ ଥାନାରେ ଅଟକ ରଖି ତଦନ୍ତ ଚଳାଇଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
