ହାଇଦ୍ରାବାଦ: ଓଲିଉଡ ସୁପରଷ୍ଟାର ବାବୁସାନ ମହାନ୍ତି ଆଜି ତାଙ୍କ 34ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ଅଭିନେତା ଫ୍ୟାନ୍ସଙ୍କୁ ଏକ ବଡ଼ ଉପହାର ଦେଇଛନ୍ତି । ନିଜ ଆଗାମୀ ଫିଲ୍ମ 'ମାଲ୍ୟଗିରି'ର ପ୍ରଥମ ଝଲକ ରିଲିଜ କରିଛନ୍ତି । ଫିଲ୍ମ 'ଦମନ'ର ଦମଦାର ସଫଳତା ପରେ ପୁଣି ଧମାକା କରିବାକୁ ଯାଉଛନ୍ତି ବାବୁସାନ । ସୋସିଆଲ ମିଡିଆରେ ଏହା ରିଲିଜ ହେବା ପରେ ଏହାକୁ ଲାଇକ କରିବା ସହ ଅଭିନେତାଙ୍କୁ ଶୁଭେଚ୍ଛା ଜଣାଇଛନ୍ତି ଅନେକ ସେଲିବ୍ରିଟି ଏବଂ ଫ୍ୟାନ୍ସ । ସେପଟେ ଟ୍ରେଡ୍ ଆନାଲିଷ୍ଟ ତରଣ ଆଦର୍ଶ ମଧ୍ୟ ବାବୁସାନଙ୍କ ଫିଲ୍ମର ପ୍ରଥମ ଝଲକ ସେୟାର କରି ବାବୁସାନଙ୍କୁ ଜନ୍ମଦିନ ଶୁଭକାମନା ଜଣାଇଛନ୍ତି ।
-
BABUSHAAN MOHANTY: ODIA - HINDI FILM ‘MALYAGIRI’ FIRST GLIMPSE OUT NOW… DUSSEHRA 2023 RELEASE… On #BabushaanMohanty’s birthday today, Team #Malyagiri unveils the first glimpse of the much-awaited #Odia - #Hindi film… Directed by #PrithviRajPattnaik… #Dussehra2023 release.… pic.twitter.com/RgR1qBnrVQ
— taran adarsh (@taran_adarsh) July 30, 2023 " class="align-text-top noRightClick twitterSection" data="
">BABUSHAAN MOHANTY: ODIA - HINDI FILM ‘MALYAGIRI’ FIRST GLIMPSE OUT NOW… DUSSEHRA 2023 RELEASE… On #BabushaanMohanty’s birthday today, Team #Malyagiri unveils the first glimpse of the much-awaited #Odia - #Hindi film… Directed by #PrithviRajPattnaik… #Dussehra2023 release.… pic.twitter.com/RgR1qBnrVQ
— taran adarsh (@taran_adarsh) July 30, 2023BABUSHAAN MOHANTY: ODIA - HINDI FILM ‘MALYAGIRI’ FIRST GLIMPSE OUT NOW… DUSSEHRA 2023 RELEASE… On #BabushaanMohanty’s birthday today, Team #Malyagiri unveils the first glimpse of the much-awaited #Odia - #Hindi film… Directed by #PrithviRajPattnaik… #Dussehra2023 release.… pic.twitter.com/RgR1qBnrVQ
— taran adarsh (@taran_adarsh) July 30, 2023
ଟ୍ରେଡ୍ ଆନାଲିଷ୍ଟ ତରଣ ଆଦର୍ଶ ନିଜ ଟ୍ବିଟରରେ ବାବୁସାନଙ୍କ ଫିଲ୍ମ 'ମାଲ୍ୟଗିରି' ର ପ୍ରଥମ ଝଲକ ସେୟାର କରିଛନ୍ତି । ଏବଂ ସେ କ୍ୟାପସନରେ ଲେଖିଛନ୍ତି, ବାବୁସାନ ମହାନ୍ତିଙ୍କ ଓଡିଆ ଏବଂ ହିନ୍ଦୀ ଫିଲ୍ମ 'ମାଲ୍ୟଗିରି' ପ୍ରଥମ ଝଲକ ବର୍ତ୍ତମାନ ରିଲିଜ ହୋଇଛି । ଦଶହରାରେ ଫିଲ୍ମ ଥିଏଟରରେ ରିଲିଜ ହେବ । ଅଭିନେତାଙ୍କ ଜନ୍ମଦିନରେ ଫିଲ୍ମର ଝଲକ ରିଲିଜ ହୋଇଛି । ନିର୍ଦ୍ଦେଶକ ପୃଥ୍ବୀରାଜ ପଚ୍ଚନାୟକ ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ଫିଲ୍ମର ପ୍ରଯୋଜକ ଅଟନ୍ତି ରିଙ୍କୁରିନୁ ଜେନା ଏବଂ ସହ ପ୍ରଯୋଜକ ଅଟନ୍ତି ପ୍ରଣତି ଗୋଚ୍ଛାୟତ ଏବଂ ବାବୁସାନ ମହାନ୍ତି ।
ବାବୁଶାନ ମହାନ୍ତି ଓଲିଉଡ ସୁପରଷ୍ଟାର ଅପରାଜିତା ମହାନ୍ତି ଏବଂ ଉତ୍ତମ ମହାନ୍ତିଙ୍କ ପୁଅ । ବାବୁସାନ କେବଳ ଜଣେ ଭଲ ଅଭିନେତା ନୁହଁ ବରଂ ଜଣେ ସିଙ୍ଗର ଏବଂ ଜଣେ ପ୍ରଯୋଜକ ମଧ୍ୟ । ସେ 'ରୋମିଓ- ଦ ଲଭର ବଏ' ମାଧ୍ୟମରେ ଓଡିଆ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଡେବ୍ୟୁ କରିଥିଲେ । ସ୍ବର୍ଗତ ନିର୍ଦ୍ଦେଶକ ହର ପଟ୍ଟନାୟକଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅଭିନେତ୍ରୀ ଲଭଲିଙ୍କ ବିପକ୍ଷରେ ସେ ନଜର ଆସିଥିଲେ । ଏହା ହିଟ୍ ମଧ୍ୟ ହୋଇଥିଲା । ତାପରେ 2015ରେ, ସେ ଯିଏ ଯାହା କହୁ ମୋର ଢୋ, ସୁପର ମିଛୁଆ ଏବଂ ଭଲ ପାଏ ତୋତେ 100ରୁ 100 ଫିଲ୍ମରେ ନିଜ ଅଭିନୟ ଯାଦୁରେ ଦର୍ଶକଙ୍କୁ ମତୁୱାଲା କରିଥିଲେ ।
ଏହା ମଧ୍ୟ ପଢନ୍ତୁ: ସାଉଥ୍ରେ ଦମନ କ୍ରେଜ୍, ଫିଲ୍ମର ପ୍ରଶଂସା କଲେ ସୁପରଷ୍ଟାର ଅଲ୍ଲୁ ଅର୍ଜୁନ
2022 ମସିହାରେ, ସେ 'ଦମନ' ଚଳଚ୍ଚିତ୍ରରେ ଡାକ୍ତରଙ୍କ ଭୂମିକା ଗ୍ରହଣ କରିଥିଲେ, ଯାହା ହିଟ୍ ହେବା ସହ ଲୋକପ୍ରିୟତା ହାସଲ କରିଥିଲା । କେବଳ ଏତିକି ନୁହେଁ ଏହି ଫିଲ୍ମ ସାରା ଦେଶରେ ରିଲିଜ ହୋଇ ପ୍ରଶଂସା ସାଉଁଟିପାରି ରେକର୍ଡ ସୃଷ୍ଟି କରିଥିଲା । ନିଜ ଦମଦାର ଅଭିନୟରେ ସବୁବେଳେ ଦର୍ଶକଙ୍କ ଖୁବ ମନୋରଞ୍ଜନ କରିଆସିଛନ୍ତି ବାବୁସାନ । ତେବେ ଆଗାମୀ ଫିଲ୍ମ ମାଳ୍ୟଗିରିରେ ମଧ୍ୟ ବାବୁସାନଙ୍କୁ ଏକ ଆକ୍ସନ ଅବତାରରେ ଦେଖିବାକୁ ମିଳିବ । ଏହି ଫିଲ୍ମ ଚଳିତ ବର୍ଷ ଦଶହରାରେ ରିଲିଜ ହେବ । ଓଡ଼ିଆ ଏବଂ ହିନ୍ଦୀ ଭାଷାରେ ସାରା ଦେଶରେ ଫିଲ୍ମ ରିଲିଜ ହେବ । ଏହି ଫିଲ୍ମ ବି ଦମନ ଭଳି ସଫଳତା ହାସଲ କରିବ ବୋଲି ଆଶା କରାଯାଉଛି । ସେପଟେ ଫିଲ୍ମକୁ ନେଇ ଦର୍ଶକ ବେଶ ଉତ୍ସାହର ସହ ଅପେକ୍ଷା କରିଛନ୍ତି ।
