ଖୋର୍ଦ୍ଧା: ଏଣିକି ଓଡିଶାର ଲଦାଖରେ ଲାଗିଲା ପର୍ଯ୍ୟଟକଙ୍କ ଉପରେ କଟକଣା । ଜିଲ୍ଲାର ତାପଙ୍ଗ ହତିଆ ପାହାଡ ଲଦାଖର ଭ୍ରମ ସୃଷ୍ଟି କରୁଥିବା ବେଳେ ଏଠାକାର ମନୋରମ ପ୍ରାକୃତିକ ସୌନ୍ଦର୍ଯ୍ୟକୁ ଦେଖିବା ପାଇଁ ଲାଗେ ପର୍ଯ୍ୟଟକଙ୍କ ଭିଡ । ଯାହା ଉପରେ ରୋକ ଲଗାଇବା ପରେ ରବିବାର ଏନେଇ ଡାକବାଜି ଯନ୍ତ୍ର ସାହାଯ୍ୟରେ ଘୋଷଣା କରିଛି ଜିଲ୍ଲା ପ୍ରଶାସନ ।
ଓଡିଶାର ଲଦାଖରେ ପର୍ଯ୍ୟଟକଙ୍କୁ ବାରଣ
ସୂଚନା ଅନୁଯାୟୀ ରାଜ୍ୟ ତଥା ରାଜ୍ୟ ବାହାରେ ଏହି ସ୍ଥାନର ରହିଥିଲା ସ୍ବତନ୍ତ୍ର ଖ୍ୟାତି । ହେଲେ ବେଆଇନ ପଥର ଖଣିକୁ ପର୍ଯ୍ୟଟନର ମାନ୍ୟତା ଦେଇ ଲୋକେ ଏଠାରେ ଭିଡ ଲଗାଉଥିବା ଦେଖିବାକୁ ମିଳୁଥିଲା । ଏବେ ଏହି ସ୍ଥାନକୁ ଆସିବା ପାଇଁ ପର୍ଯ୍ୟଟଙ୍କ ଉପରେ ପ୍ରଶାସନ ଲଗାଇଥିବା କଟକଣା ଲୋକଙ୍କୁ ନିରାଶ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
