ଖୋର୍ଦ୍ଧା: କୋରୋନା ମୁକାବିଲା ପାଇଁ ପୁରା ଦେଶକୁ ଜାରି ରହିଛି ଲକଡାଉନ। ଏହାର ପ୍ରଭାବ ସିଧାସଳଖ ଗରିବ ଓ ଖଟିଖିଆଙ୍କ ଉପରେ ପଡିଛି । ଏପରିସ୍ଥିତିରେ କୌଣସି କାମଧନ୍ଦା ମିଳୁନଥିବାରୁ ବହୁ ସମସ୍ୟାରେ ରହିଛନ୍ତି ଏମାନେ । ତେବେ ଗରିବ ଦିନମଜୁରିଆଙ୍କୁ ମହାମାରୀ ସମ୍ପର୍କରେ ସଚେତନତା କରିବା ସହ ମାସ୍କ ଓ ଶୁଖିଲା ଖାଦ୍ୟ ବଣ୍ଟନ କରିଛନ୍ତି ଖୋର୍ଦ୍ଧା ଜିଲ୍ଲା ବେଗୁନିଆ ପୋଲିସକର୍ମୀ । ଏହି କାର୍ଯ୍ୟକ୍ରମରେ ଖୋର୍ଦ୍ଧା ଏସପି ମଧ୍ୟ ସାମିଲ ହୋଇଥିଲେ ।
ଅସହାୟଙ୍କୁ ମାସ୍କ ସହ ଖାଦ୍ୟ ବାଣ୍ଟୁଛି ଖୋର୍ଦ୍ଧା ପୋଲିସ
କରୋନା ଯୁଦ୍ଧରେ ପ୍ରକୃତ ଯୋଦ୍ଧା ସାଜିଥିବା ପୋଲିସ ବାହିନୀ ବେଗୁନିଆ ଥାନା ଅନ୍ତର୍ଗତ ଭୂଇଁପୁର, ଚଟୁଆ ଓ ବଙ୍କୋଇ ଗ୍ରାମରେ ଲୋକଙ୍କୁ ସଚେତନ କରାଇବା ସହ ଶୁଖିଲା ଖାଦ୍ୟ ବଣ୍ଟିଛନ୍ତି । ସେହିପରି ଗ୍ରାମବାସୀମାନେ ପୋଲିସକୁ ଗ୍ରାମରେ ଫୁଲ, ଚନ୍ଦନ ହୁଳହୁଳି ପକାଇ ସ୍ବାଗତ କରିଥିବା ଦେଖିବାକୁ ମିଳିଛି । ପୋଲିସ ପ୍ରଶାସନର ଏଭଳି ପଦକ୍ଷେପକୁ ସବୁ ମହଲରୁ ସ୍ବାଗତ କରାଯାଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
