ଖୋର୍ଦ୍ଧା:ତହସିଲ କାର୍ଯ୍ୟାଳୟରେ ଦେଖାଦେଇଛି କର୍ମଚାରୀ ସଙ୍କଟ । ଖୋର୍ଦ୍ଧା ବେଗୁନିଆ ତହସିଲ କାର୍ଯ୍ୟାଳୟରେ ଆବଶ୍ୟକ ସଂଖ୍ୟକ କର୍ମଚାରୀ ନଥିବାରୁ ସମସ୍ୟା ଭୋଗୁଛନ୍ତି ଜନସାଧାରଣ । କର୍ମଚାରୀଙ୍କ ଅଭାବ କାରଣରୁ ବହୁ ଗୁରୁତ୍ବପୂର୍ଣ୍ଣ କାର୍ଯ୍ୟ ଅଧାରେ ପଡି ରହୁଥିବା ଅଭିଯୋଗ ହୋଇଛି ।
ତହସିଲ କାର୍ଯ୍ୟଳୟରେ ନାହାନ୍ତି କର୍ମଚାରୀ
ଯାହାଫଳରେ ଦୂର ଦୂରାନ୍ତରୁ ନିଜ କାମ ପାଇଁ ତହସିଲ କାର୍ୟ୍ୟାଳୟ ଆସୁଥିବା ଲୋକେ ନାନା ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି ।
ତହସିଲରେ ବିଭିନ୍ନ ବର୍ଗର ମୋଟ 24ଟି ପଦବୀ ରହିଥିବାବେଳେ ଏବେ ଅଛନ୍ତି ମାତ୍ର 14 ଜଣ । ଘଟଣା ସମ୍ପର୍କରେ ବେଗୁନିଆ ତହସିଲଦାର କହିଛନ୍ତି, ଆମେ କର୍ମଚାରୀ ଅଭାବ ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଜଣାଇଛୁ ଓ କିଭଳି ଜନସାଧାରଣ କାର୍ଯ୍ୟରେ ସମସ୍ୟା ନହେବ ସେନେଇ ଆମେ ଅଧିକ ସମୟ ପରିଶ୍ରମ କରୁଛୁ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
