ଖୋର୍ଦ୍ଧା : ଜଟଣୀ ଥାନା କୁଶମାଟି ଗାଁରେ ଘରେ ପଶି କଳାକନା ବୁଲାଇବା ଘଟଣାରେ ଦୁଇଜଣକୁ ଗିରଫ କଲା ଜଟଣୀ ପୋଲିସ । ଗତ ସୋମବାର ବିଳମ୍ୱିତ ରାତିରେ କୁମୁଦିନୀ ସାହୁ ଘରେ ନଥିଲେ । ତାଙ୍କ ପୁଅକୁ ଶୋଇବା ଘରେ ବାହାରୁ କବାଟ ଦେଇ ଘର ଛାତ ଉପର ସ୍କାଏଲାଇଟ ଭାଙ୍ଗି ଘରେ ପଶିଯାଇଥିଲେ ଚୋରମାନେ । ଘରେ ଥିବା ସମସ୍ତ ସୁନା ଓ ନଗଦ 70 ହଜାର ଟଙ୍କା ଚୋରି କରିନେଇଥିବାର ଜଟଣୀ ଥାନାରେ କୁମୁଦିନୀ ଅଭିଯୋଗ କରିଥିଲେ ।
ଚୋରକୁ ଧରିଲା ଜଟଣୀ ପୋଲିସ, ଚୋରି ସାମଗ୍ରୀ ସହ ପଚାସ ହଜାର ଟଙ୍କା ଜବତ
ଜଟଣୀ ଥାନା ପୋଲିସ ତଦନ୍ତ କରି ଆଜି(ଗୁରୁବାର) କୁଶମାଟିର ଦୁଇଜଣକୁ ଗିରଫ କରିବା ସହିତ ସେମାନଙ୍କ ଠାରୁ ଚୋରି ହୋଇଥିବା ପଚାଶ ହଜାର ଟଙ୍କା ସହିତ ସୁନା ଅଳଙ୍କାର ଓ ଅନେକ ଜିନିଷ ଜବତ କରିଛି । ସେହିପରି ଏହି ଚୋରିରେ ଆଉ କେତେଜଣ ସାମିଲ ଅଛନ୍ତି, ସେ ନେଇ ଅଧିକ ତଦନ୍ତ କରୁଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
