ଖୋର୍ଦ୍ଧା: ନିଶା ନେଲା ନିରୀହ ଜୀବନ । ମଦୁଆ ସ୍ବାମୀର ମାଡରେ ଜୀବନ ହାରିଲା ପତ୍ନୀ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ସୋରଣ ମାନସିଂପୁରରେ । ଏଠାରେ ଜଣେ ମଦୁଆ ସ୍ବାମୀ ନିଜ ସ୍ତ୍ରୀକୁ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି । ମୃତ ମହିଳାଙ୍କ ନାମ ବୁଲି ବେହେରା ବୋଲି ଜଣା ପଡିଛି ।
ପୁରୀ ଜିଲ୍ଲା କଣାସ ବ୍ଲକ ଅନ୍ତର୍ଗତ ଜାଗୁଳେଇପଦର ଗ୍ରାମର ଦୁର୍ଯ୍ୟୋଧନ ବେହେରାଙ୍କ ବଡ ଝିଅ ବୁଲି ୧୫ବର୍ଷ ପୂର୍ବେ ସୋରଣ ମାନସିଂହପୁରର ବନମାଳୀ ବେହେରାଙ୍କୁ ବିବାହ କରିଥିଲେ। ତାଙ୍କର ୯ବର୍ଷ ର ପୁଅ ଓ ୭ ବର୍ଷର ଝିଅ ଅଛନ୍ତି । ତେବେ ବନମାଳୀ ଗତକାଲି ରାତିରେ ମଦ ପିଇ ଘରକୁ ଆସିଥିଲେ ଏବଂ ନିଶାଶକ୍ତ ଅବସ୍ଥାରେ ପତ୍ନୀ ବୁଲିଙ୍କୁ ପିଟିଥିଲେ । ବନମାଳୀଙ୍କ ମାଡରେ ବୁଲିର ମୃତ୍ୟୁ ଘଟିଥିବା ଅଭିଯୋଗ ହୋଇଛି ।
ସେପଟେ ବନମାଳୀ ବେହେରା ଘଟଣାସ୍ଥଳରୁ ଫେରାର ହୋଇଯାଇଛି । ଘଟଣା ସ୍ଥଳରେ ଟାଙ୍ଗୀ ପୋଲିସ ଓ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଜାରି ରଖିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
