ଖୋର୍ଦ୍ଧା: ଆଗକୁ ଆସୁଛି ତ୍ରିସ୍ତରୀୟ ପଞ୍ଚାୟତ ନିର୍ବାଚନ । ଏଥିପାଇଁ ଏବେଠୁ ତୃଣମୂଳ ସ୍ତରରୁ ନିଜ ସଙ୍ଗଠନକୁ ସୁଦୃଢ କରିବାରେ ଲାଗିଛି ବିଜେପି । ଏହି କ୍ରମରେ ଆଜି ନିଜ ସଂସଦୀୟ କ୍ଷେତ୍ରରେ ସାଂସଦ ଅପରାଜିତା ଷଡଙ୍ଗୀଙ୍କ ଉପସ୍ଥିତରେ ପାଟପୁର ଶାସନ ଠାରେ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି ।
ସାଂସଦଙ୍କ ଉପସ୍ଥିତରେ ଆଜି 400 କଂଗ୍ରେସ ଓ ବିଜେଡି କର୍ମୀ ବିଜେପିରେ ଯୋଗ ଦେଇଛନ୍ତି । କେନ୍ଦ୍ରରେ ନରେନ୍ଦ୍ର ମୋଦିଙ୍କ ନେତୃତ୍ବ ଉପରେ ଆସ୍ଥା ପ୍ରକଟ କରି କର୍ମୀମାନେ ଯୋଗଦାନ କରିଥିବା କହିଥିଲେ । ତେବେ ପାଟପୁର ଶାସନ ପଞ୍ଚାୟତ ଖେଳପଡିଆ ଠାରେ ଖୋର୍ଦ୍ଧା ଜିଲ୍ଲା ବିଜେପି ସଭାପତି ରଶ୍ମିରଞ୍ଜନ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ମିଶ୍ରଣ ପର୍ବରେ ବିଜେପି ନେତା ପ୍ରକାଶ ବିଜୁଳି, ରିଷଭ ନନ୍ଦ, ଲୋତକ ବନ୍ଧୁ ପଟ୍ଟନାୟକ, ସାଂସଦଙ୍କ ପ୍ରତିନିଧି ଅନୁ ଚୌଧୁରୀ ସହ ମଣ୍ଡଳ ସଭାପତି ଅଶୋକ ରାଉତ ପ୍ରମୁଖ ଉପସ୍ଥିତ ରହିଥିଲେ । ଏହାସହ ବିଭିନ୍ନ ଦଳୀୟ କର୍ମୀମାନଙ୍କୁ ବିଜେପିରେ ଯୋଗଦାନ ସମୟରେ ଫୁଲତୋଡା, ଉତ୍ତରୀୟ ସହ ଦଳୀୟ ଟୋପି ଦେଇ ସ୍ୱାଗତ କରିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
