ଖୋର୍ଦ୍ଧା: ପୁଣି ଫିଙ୍ଗା ଯାଉଛି ସରକାର ଯୋଗାଉଥିବା ଔଷଧ । ଏହିଭଳି ଘଟଣା ଦେଖିବାକୁ ମିଳିଛି ଜଟଣୀ ରାଜା ବଜାର ଅଞ୍ଚଳରେ । ସ୍ଥାନୀୟ ଲୋକ ଦେଖି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ଏହା ସମ୍ପର୍କରେ ସୂଚନା ଦେଇଥିଲେ ।
ସୂଚନା ଅନୁସାରେ ରାଜା ବଜାରର ମୁଖ୍ୟ ଡ୍ରେନରେ ଏହି ମେଡିସିନ୍ ଭାସୁଥିଲା । ଜୋରଦାର ବର୍ଷା କାରଣରୁ ଡ୍ରେନ ଜାମ ହୋଇଥିଲା । ଫଳରେ ମେଡିସିନ୍ ଉପରେ ଭାସିଥିଲା ।
ଡ୍ରେନରେ ଭାସୁଛି ସରକାରୀ ଔଷଧ
ସେହି ଅଞ୍ଚଳର କାବୁଲି ମହାରଣା ଏହା ଦେଖିବାକୁ ପାଇଥିଲେ । ପରେ ଏହାକୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ଜଣାଇଥିଲେ । କାହିଁକି ଓ କେଉଁ ପରିସ୍ଥିତିରେ ଏପରି ହୋଇଛି ଏହା ଉପରେ ତାହାର ତଦନ୍ତ ଦାବି କରିଛନ୍ତି ।
ତେବେ ମେଡିସିନ୍ ଏକ୍ସପାୟାରି ହୋଇନଥିବା ଜଣାପଡିଛି । ଏହିସବୁ ମେଡିସିନ୍ ଗର୍ଭବତୀ ମହିଳାଙ୍କୁ ଯୋଗାଇ ଦିଆଯାଇଥାଏ ବୋଲି ତଦନ୍ତ ପରେ ଜାଣିବାକୁ ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
