ଭୁବନେଶ୍ବର: ଶୈକ୍ଷିକ ପ୍ରଶାସନ କ୍ଷେତ୍ରରେ ଉତ୍ତମ କାର୍ଯ୍ୟ ନିମନ୍ତେ ଉପଯୁକ୍ତ ମାନ୍ୟତା ପ୍ରଦାନ ନେଇ ଜାତୀୟ ପୁରସ୍କାର ତାଲିକା ପ୍ରକାଶ ପାଇଛି । ଓଡିଶାରୁ 4 ଜମ ଶିକ୍ଷାଧିକାରୀ ଏହି ଜାତୀୟ ପୁରସ୍କାର ପାଇବେ । ଜାତୀୟ ଶୈକ୍ଷିକ ଯୋଜନା ଏବଂ ପ୍ରଶାସନ ସଂସ୍ଥାନ (ଏନଆଇଇପିଏ) ପକ୍ଷରୁ ଆସନ୍ତା 23 ତାରିଖରେ ନୂଆଦିଲ୍ଲୀରେ ପୁରସ୍କାର ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହେବ । ବିଭିନ୍ନ ରାଜ୍ୟରୁ ୬୦ ଜଣ ଏହି ପୁରସ୍କାର ପାଇଁ ମନୋନୀତ ହୋଇଥିବା ଜଣାପଡିଛି ।
ଫିଲ୍ଡ ଲେବୁଲ ସ୍ତରରେ ଶୈକ୍ଷିକ ପ୍ରଶାସନରେ ଅବଦାନକୁ ସ୍ବୀକୃତି ଦେବା ଉଦ୍ଦେଶ୍ୟରେ ରାଷ୍ଟ୍ରୀୟ ଶୈକ୍ଷିକ ଯୋଜନା ଏବଂ ପ୍ରଶାସନ ସଂସ୍ଥାନ (ଏନଆଇଇପିଏ) ପକ୍ଷରୁ ଜାତୀୟ ପୁରସ୍କାର ପ୍ରଦାନ କରାଯିବ। ଶୈକ୍ଷିକ ପ୍ରଶାସନରେ ଅଭିନବତ୍ବ ଓ ଭଲ କାମ ପାଇଁ ଜିଲ୍ଲା ଶିକ୍ଷା ଅଧିକାରୀ (ଡିଇଓ) ଓ ବ୍ଲକ୍ ଶିକ୍ଷା ଅଧିକାରୀ (ବିଇଓ)ଙ୍କୁ ଏହି ପୁରସ୍କାର ମିଳିବ। ତେବେ ସାରା ଦେଶରୁ ଏନେଇ ଶିକ୍ଷା ଅଧିକାରୀଙ୍କୁ ଏହି ପୁରସ୍କାର ପ୍ରଦାନ କରାଯାଉଥିବା ବେଳେ ଓଡ଼ିଶାରୁ ଏହି ପୁରସ୍କାର ପାଇଁ ୪ ଜଣ ଶିକ୍ଷା ଅଧିକାରୀ ମନୋନୀତ ହୋଇଛନ୍ତି। ସେମାନେ ହେଲେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ସନ୍ତୋଷ କୁମାର ରାଉତ, ବ୍ଲକ ଶିକ୍ଷା ଅଧିକାରୀ ମହେଶ୍ବର ସାହୁ ଓ ପ୍ରଜ୍ଞା ପାରମିତା ଜେନା। ବ୍ଲକ୍ ଶିକ୍ଷା ଅଧିକାରୀ ଭାଗିରଥି ବେହେରାଙ୍କୁ ସାର୍ଟିଫିକେଟ୍ ଅଫ୍ ଆପ୍ରିସିଏସନ୍ ପ୍ରଦାନ କରାଯିବ।
ବିଭିନ୍ନ ରାଜ୍ୟରୁ ୬୦ ଜଣ ଏହି ପୁରସ୍କାର ପାଇଁ ମନୋନୀତ ହୋଇଥିବା ଜଣାପଡ଼ିଛି । ଆସନ୍ତା ୨୩ ତାରିଖରେ ଦିଲ୍ଲୀରେ ଆୟୋଜିତ ହେବାକୁ ଥିବା ଏକ ସ୍ବତନ୍ତ୍ର କାର୍ଯ୍ୟକ୍ରମରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପୁରସ୍କାର ଏବଂ ସାର୍ଟିଫିକେଟ୍ ଅଫ୍ ଆପ୍ରିସିଏସନ୍ ପ୍ରଦାନ କରିବାର କାର୍ଯ୍ୟକ୍ରମ ରହିଥିବା ସୂଚନା ମିଳିଛି । ଏମାନଙ୍କ ଯାତ୍ରା ଖର୍ଚ୍ଚ ସଂସ୍ଥା ବହନ କରିବ। ଯଦି ବିମାନରେ ଯିବାକୁ ଚାହିଁବେ ସେମାନେ ଇକୋନମି କ୍ଲାସରେ ଯିବାକୁ ପରାମର୍ଶ ଦିଆଯାଇଛି । ଏୟାର ଟିକେଟ 3ଟି ଟ୍ରାଭେଲ୍ ଏଜେଣ୍ଟ ନିକଟରୁ କିଣିବାକୁ କୁହାଯାଇଛି । ସେଗୁଡ଼ିକ ହେଲା ବିଏଲସିଏଲ, ଏଟିଟି, ଆଇଆରସିଟିସି ଏହି ଟ୍ରାଭେଲ ଏଜେଣ୍ଟଙ୍କଠାରୁ ଟିକେଟ କରିପାରିବେ ।
ସେହିପରି ଯେଉଁମାନେ ଟ୍ରେନରେ ଯାତ୍ରା କରିବେ ସେମାନଙ୍କୁ ଏସି ଦ୍ବିତୀୟ ଶ୍ରେଣୀରେ ଯିବାକୁ ପରାମର୍ଶ ଦିଆଯାଇଛି । ଟ୍ରେନ ଟିକେଟର କପି, ଟ୍ୟାକ୍ସି ଭଡା କପି, ବିମାନ ଗଲେ ବୋଡ଼ିଂ ପାସର ଏକ କପି ବାଧ୍ୟତାମୂଳକ କରାଯାଇଛି । ସେହିପରି ଟିଏ ପାଇଁ ବ୍ୟାଙ୍କ୍ ଆକାଉଣ୍ଟ ତଥ୍ୟ ପ୍ରଦାନ କରିବାକୁ କୁହାଯାଇଛି । କାର୍ଯ୍ୟକ୍ରମ ପରେ ଟିଏ ପ୍ରଦାନ କରାଯିବ । ନୂଆଦିଲ୍ଲୀର ଅଗଷ୍ଟ କାନ୍ତ୍ରୀ ମାର୍ଗରେ ଥିବା ପିଏଚଡି ଚାମ୍ବର ଅଫ କର୍ମସ ଆଣ୍ଡ ଇନଣ୍ଡଷ୍ଟ୍ରି ପିଏଚଡି ହାଉସରେ ଏହି ପୁରସ୍କାର ପ୍ରଦାନ ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେବେ । କାର୍ଯ୍ୟକ୍ରମରେ ଅଂଶଗ୍ରହଣ ପାଇଁ ମନୋନୀତ ଶିକ୍ଷାଧିକାରୀଙ୍କୁ ବିଦ୍ୟାଳୟ ଶିକ୍ଷା ପ୍ରମୁଖ ସଚିବ/ କମିଶନର/ନିର୍ଦ୍ଦେଶକମାନେ ପଠାଇବାକୁ ଚିଠି ହୋଇଛି ।
ଇଟିଭି ଭାରତ, ଭୁବନେଶ୍ବର
