ଖୋର୍ଦ୍ଧା: ଆକାଶରୁ ଖସିଲା ମୃତ୍ୟୁ । ବସିଥିବା ବେଳେ ବଜ୍ରାଘାତରେ ମତ୍ସ୍ୟଜୀବୀଙ୍କ ମୃତ୍ୟୁ । ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି ଚିଲିକା କୂଳ ଜେଟି ନିକଟରେ । ମୃତକ ହେଲେ ବାଣପୁର ଥାନା ନଇରୀ ଫାଣ୍ଡି ଅନ୍ତର୍ଗତ ନଇରୀ ଗ୍ରାମର ନାରାୟଣ ବେହେରା । ସୂଚନା ଅନୁସାରେ, କାଳ ବୈଶାଖୀ ପ୍ରଭାବରେ ଖୋର୍ଦ୍ଧା ଜିଲ୍ଲାର ଅନେକ ସ୍ଥାନରେ ବର୍ଷା ସହ ବଜ୍ରପାତ ହୋଇଛି । ଏହି ସମୟରେ ମତ୍ସ୍ୟଜୀବୀ ଜଣକ ଚିଲିକା କୂଳ ଜେଟି ନିକଟରେ ବସିଥିବା ବେଳେ ବଜ୍ରାଘାତ ହୋଇଥିଲା ଫଳରେ ଘଟଣା ସ୍ଥଳରେ ଗୁରୁତର ହୋଇ ପଡିଥିଲେ ।
ଚିଲିକାରେ ବଜ୍ରପାତ: ମତ୍ସ୍ୟଜୀବୀ ମୃତ
ସ୍ଥାନୀୟଲୋକେ ତାଙ୍କୁ ଉଦ୍ଧାରକରି ସଙ୍ଗେସଙ୍ଗେ ଟାଙ୍ଗୀ ମେଡିକାଲରେ ଭର୍ତ୍ତି କରିଥିଲେ । ହେଲେ ଚିକିତ୍ସିତ ଅବସ୍ଥାରେ ମତ୍ସ୍ୟଜୀବୀଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ମୃତ ମତ୍ସ୍ୟଜୀବୀ ଜଣକ ହେଲେ ବାଣପୁର ଥାନା ନଇରୀ ଫାଣ୍ଡି ଅନ୍ତର୍ଗତ ନଇରୀ ଗ୍ରାମର ନାରାୟଣ ବେହେରା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
