ଖୋର୍ଦ୍ଧା: ମତ୍ସଜୀବୀଙ୍କୁ ଅଡୁଆରେ ପକାଉଛି ଚିଲିକାର ନଳ ଓ ରାଜଦଳ । ଚିଲିକାର କୁଳେ କୁଳେ ନଳ ଓ ରାଜଦଳ କାୟା ବିସ୍ତାର କରିଥିବାରୁ ଡ଼ଙ୍ଗା ଚଳାଇବା ଏକ ପ୍ରକାର କଷ୍ଟସାଧ ହୋଇ ପଡିଛି ମତ୍ସ୍ୟଜୀବୀଙ୍କ ପାଇଁ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଚିଲିକା ନୀଳ ଗଭୀର ଜଳରାଶିରେ ଦିନକୁ ଦିନ କାୟା ବିସ୍ତାର କରିବାରେ ଲାଗି ପଡିଛି ନଳ ଓ ରାଜଦଳ । ଫଳରେ ଚିଲିକାରେ ଡ଼ଙ୍ଗା ଚଳାଇବାରେ ବ୍ୟାଘାତ ସୃଷ୍ଟି ହେଉଛି । ଯାହାକୁ ନେଇ ଚିନ୍ତାରେ ପଡିଛନ୍ତି ମସ୍ୟଜୀବୀମାନେ। ଚିଲିକା କୂଳରେ ମାଡି ଚାଲିଥିବା ନଳ ଓ ରାଜଦଳ ଯୋଗୁଁ ଏହାକୁ ପାରି କରି ଡ଼ଙ୍ଗା ଚଳାଇବାରେ ଏକ ପ୍ରକାର ମୁସ୍କିଲ ହୋଇପଡିଛି ଧୀବରଙ୍କ ପାଇଁ ।
ଏହା ଦିନକୁ ଦିନ ମାଡି ଆସୁଥିବାରୁ ପାଖାପାଖି ଗାଁମାନଙ୍କରେ ରାତି ହେଲେ ମଶା ବଢ଼ି ବାରେ ଲାଗିଛି ଯାହାଫଳରେ ଏଠି ସାଧାରଣ ଲୋକ ଏଠି ଚଳିବା କଷ୍ଟକର ହେଉଛି । ଆଉ ଏହି ସମସ୍ୟାକୁ ପ୍ରଶାସନ ଦୃଷ୍ଟି ଦେବାକୁ ସାଧାରଣ ଲୋକ ଦାବି କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
