ଭୁବନେଶ୍ବର: ବହୁ ପ୍ରତୀକ୍ଷାର ଅନ୍ତ ଘଟି ଶେଷରେ ଉଦଘାଟିତ ହେଲା ବମିଖାଲ ଓଭର ବ୍ରିଜ । ଆଜି (ବୁଧବାର) ସନ୍ଧ୍ୟାରେ ଏକ ବ୍ୟସ୍ତ ବହୁଳ ବ୍ରିଜକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରାୟ 40 କୋଟି ଟଙ୍କା ବ୍ୟୟରେ ନିର୍ମିତ ଏହି ଓଭର ବ୍ରିଜ ରହିଛି 1541 ମିଟର ଲମ୍ବ ।
ସୂଚନାନୁୟାୟୀ, 2012ରେ ଓଭର ବ୍ରିଜର କାମ ଆରମ୍ଭ ହୋଇଥିଲା । କିନ୍ତୁ ନିର୍ମାଣ କାମ ସରିବାକୁ ଲାଗିଥିଲା ଦୀର୍ଘ 7 ବର୍ଷ । ନିର୍ମାଣଧିନ ଅବସ୍ଥାରେ 2ଥର ବ୍ରିଜ ଭୁଶୁଡିବା ଘଟଣା ବିବାଦ ଘେରକୁ ଆସିଥିଲା ।
ଏହି ବ୍ରିଜ ନିର୍ମାଣ ଦ୍ବାରା ବମିଖାଲ ଠାରୁ ସହିଦ ନଗର ରାସ୍ତା ଏବଂ ସହିଦ ନଗର ଠାରୁ ରସୁଲଗଡ ଯାଏ ଯାତାୟତ କରିବାକୁ ସୁବିଧା ହେବ । ଟ୍ରାଫିକ ସମସ୍ୟା ନିୟନ୍ତ୍ରଣ କରିବାରେ ଏହି ବ୍ରିଜ ସହାୟକ ହେବ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
