ଭୁବନେଶ୍ବର: ବହୁ ଚର୍ଚ୍ଚିତ ଅର୍ଚ୍ଚନା ନାଗ ମାମଲାରେ ଇଡିରେ ହାଜର ହେଲେ ଫିଲ୍ମ ପ୍ରଯୋଜକ ପ୍ରମୋଦ ସ୍ବାଇଁ । ପୂର୍ବରୁ ପ୍ରମୋଦଙ୍କ ଘରେ ଭଡ଼ା ରହୁଥିଲେ ଅର୍ଚ୍ଚନା । ପ୍ରମୋଦ ତାଙ୍କୁ ଜାଗମରାରେ ରହିବା ପାଇଁ ଘର ଦେଇଥିଲେ । ସେହି ଘରେ ଅର୍ଚ୍ଚନାର କଳା ସାମ୍ରାଜ୍ୟ ଆରମ୍ଭ ହୋଇଥିଲା । ଅର୍ଚ୍ଚନା ଫାଶରେ ଅନେକ ହାଇପ୍ରୋଫାଇଲ ଲୋକ ଛନ୍ଦି ହୋଇଥିବା କୁହାଯାଉଛି ।
EDରେ ହାଜର ହେଲେ ଫିଲ୍ମ ପ୍ରଯୋଜକ ପ୍ରମୋଦ ସ୍ବାଇଁ
ଏହି କ୍ରମରେ ଆଜି (ମଙ୍ଗଳବାର) ଫିଲ୍ମ ପ୍ରଯୋଜକ ପ୍ରମୋଦ ସ୍ବାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)ରେ ହାଜର ହୋଇଛନ୍ତି । ତେବେ ଅର୍ଚ୍ଚନା ବାବଦରେ କ'ଣ ଜାଣିଛନ୍ତି ଏବଂ ତାଙ୍କ ସହ କେତେ ଥର ଅର୍ଥ କାରବାର ହୋଇଛି ସେନେଇ ଇଡିରେ ହାଜର ହୋଇ ତଥ୍ୟ ରଖିଛନ୍ତି । ଓକିଲ ଆକାଶ ଭୁୟାଙ୍କ ଜରିଆରେ ହାଜର ହୋଇ ନିଜର ପକ୍ଷ ରଖିଛନ୍ତି ପ୍ରମୋଦ । ତେବେ ଇଡିରୁ ଆସିବା ପରେ ଏନେଇ ସବୁ କହିବେ ବୋଲି କହିଛନ୍ତି ।
ଇଟିଭି ଭାରତ, ଭୁବନେଶ୍ବର
