ଖୋର୍ଦ୍ଧା: ବୋଲଗଡ ବ୍ଳକ ଗର୍ଭଣୀପଡା ସେବା ସମବାୟ ସମିତିରେ ଧାନ ମଣ୍ଡିରେ ପଡିରହିଥିବା ହଜାର ହଜାର ବସ୍ତା ଧାନକୁ କ୍ରୟ କରିବା ଦାବିରେ ଚାରିଦିନ ଧରି ଚାଲିଥିବା ଆମରଣ ଅନଶନ ଆଜି ପ୍ରତ୍ୟାହୃତ ହୋଇଛି । ଯୋଗାଣ ବିଭାଗ ଅଧିକାରୀ ସହ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ମଣ୍ଡିରେ ଥିବା ଚାଷୀଙ୍କ ସମସ୍ତ ଧାନ ମିଲର ଉଠାଇବାକୁ ନେଇ ଆଲୋଚନା ହୋଇଥିଲା । ପରେ ସମବାୟ ସମିତି ପକ୍ଷରୁ ଟୋକନ ଦେବା ପ୍ରକିୟା ଆରମ୍ଭ ହେବା ପରେ ଆମରଣ ଅନଶନ ପ୍ରତ୍ୟାହୃତ ହୋଇଥିଲା ।
ଧାନକିଣା ପ୍ରତିଶ୍ରୁତି ପରେ ଚାଷୀଙ୍କ ଆମରଣ ଅନଶନ ପ୍ରତ୍ୟାହୃତ
ସୂଚନା ଥାଉକି ଗର୍ଭଣୀପଡା ସେବା ସମିତିରେ ୫୧୪ ଜଣ ଚାଷୀଙ୍କ ୨୧ହଜାର ୫ ଶହ କୁଇଣ୍ଟାଲ ଧାନ କ୍ରୟ ପାଇଁ ଲକ୍ଷ୍ୟ ଧାର୍ଯ୍ୟ ହୋଇଥିଲା ବେଳେ ଫେବୃଆରୀ ୧୩ ରୁ ୨୭ ତାରିଖ ପର୍ଯ୍ୟନ୍ତ ୧୧୦ ଜଣ ଚାଷୀଙ୍କ ୪୫୯୧ କୁଇଣ୍ଟାଲ ଧାନ ବିକ୍ରି ପାଇଁ ମୋବାଇଲକୁ ଟୋକନ ଆସିଥିଲା । କିନ୍ତୁ ଟାର୍ଗେଟ ନାହିଁ କହି ସମବାୟ ସମିତି ଟୋକନ ଦେଉନଥିବା ଫଳରେ ଚାଷୀମାନେ ସମବାୟ ସମିତିରେ ତାଲା ପକାଇ ଆମରଣ ଅନଶନ କରିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
