ଫନି ବିପନ୍ନଙ୍କୁ ମିଳିନି ସହାୟତା, 5 ପରିବାର ଜିଲ୍ଲାପାଳଙ୍କ ଦ୍ବାରସ୍ଥ

ଆଜି ବି ସହାୟତା ଖୋଜୁଛନ୍ତି ବାତ୍ୟା ବିପନ୍ନ । ଫନିର ଦେଢ ମାସ ପରେ ବି ସ୍କୁଲ ଘରେ ଆଶ୍ରୟ ନେଉଛନ୍ତି । ନା ଉଜୁଡା ଘରକୁ ସଜାଡି ପାରୁଛନ୍ତି ନା ସରକାରୀ ସହାୟତା ମିଳୁଛି ।

ଖୋର୍ଦ୍ଧା: ନିଜିଗଡ଼ ତାପଙ୍ଗ ଗ୍ରାମପଞ୍ଚାୟତ ଅନ୍ତର୍ଗତ ଅଣ୍ଡା ଗାଁର 5 ପରିବାର ଲୋକେ ଶେଷରେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି । ବାତ୍ୟା ଫନି ଯିବାର ଦେଢ ମାସ ପରେ ମଧ୍ୟ ସ୍କୁଲ ଘରେ ଆଶ୍ରୟ ନେଉଥିବାବେଳେ ସହାୟତା ମିଳିପାରିନାହିଁ । ଯାହାକୁ ନେଇ ସେମାନେ ଏକ ଲିଖିତ ଅଭିଯୋଗ କରିଛନ୍ତି ।

ଫନି ଯିବାର ଦେଢ ମାସ ପରେ ମଧ୍ୟ ଉଜୁଡା ଘରୁକୁ ସଜାଡି ପାରିନାହାଁନ୍ତି ବାତ୍ୟା ବିପନ୍ନ । ସରକାରୀ ସହାୟତାର ପ୍ରତିଶୃତି ବାଣ କେବଳ ଯେ 50 କେଜି ଚାଉଳ ଓ 2 ହଜାର ଟଙ୍କା । ତେବେ ଦୀର୍ଘ ଦିନରେ ସ୍ଥାନୀୟ ପ୍ରାଥମିକ ବିଦ୍ୟାଳୟର ଆଶ୍ରୟ ନେଉଛନ୍ତି ଏମାନେ । ଫଳରେ ନିଜ ଘରକୁ ପୁନଃ ଗଢିତୋଳିବା ସାତ ସ୍ବପ୍ନ ପାଲଟିଛି ।

ତେଣୁ ତୁରନ୍ତ ଭଙ୍ଗା ଘର ପାଇଁ ଟଙ୍କା ପ୍ରଦାନ କରିବା ନେଇ ଏହି 5ଟି ପରିବାରର ଲୋକେ ଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ