ETV Bharat / state

ହକ୍ ପାଇଁ ବସିଥିଲେ ଏବେ ମିଳୁନି ପତ୍ତା, ଝିଅକୁ ଖୋଜିବାକୁ ବାପାମାଆଙ୍କ ଧାରଣା

author img

By

Published : Jul 9, 2023, 7:02 AM IST

ସ୍ତ୍ରୀ ହକ୍ ପାଇଁ ଦୀର୍ଘ ଆଠ ମାସ ଧରି ଶ୍ବଶୁର ଘର ଆଗରେ ଧାରଣା ଦେଇଥିବା ବନଲକ୍ଷ୍ମୀ ବେହେରା ଓରଫ ପିଙ୍କିଙ୍କ ନିଖୋଜ ଘଟଣାକୁ ନେଇ ବଢୁଛି ସନ୍ଦେହ । ଝିଅକୁ ଖୋଜି ଆଣିବା ଦାବି କରି ବାଘମାରୀ ଥାନା ଆଗରେ ଧାରଣା ଦେଲେ ବାପାମାଆ । ଅଧିକ ପଢ଼ନ୍ତୁ

woman missing in baghamari
ନ୍ୟାୟ ଦାବିରେ ଧାରଣାରେ ବସିଥିବା ମହିଳା ନିଖୋଜ
ନ୍ୟାୟ ଦାବିରେ ଧାରଣାରେ ବସିଥିବା ମହିଳା ନିଖୋଜ

ଖୋର୍ଦ୍ଧା: କୁଆଡେ ଗଲେ ବନଲକ୍ଷ୍ମୀ ବେହେରା ଓରଫ ପିଙ୍କି ! ସ୍ତ୍ରୀ ହକ୍ ପାଇଁ ଦୀର୍ଘ ଆଠ ମାସ ଧରି ଶ୍ବଶୁର ଘର ଆଗରେ ଦେଇଥିଲେ ଧାରଣା । ହେଲେ ଏବେ ମିଳୁନି କୌଣସି ପତ୍ତା । ଗତ ଜୁନ ମାସ ୨୧ ତାରିଖରୁ ପିଙ୍କି ନିଖୋଜ ଥିବା ନେଇ ବାପାମାଆ ବାଘମାରୀ ଥାନାରେ ଅଭିଯୋଗ କରିଛନ୍ତି । ଝିଅକୁ ଖୋଜି ଆଣି ଦେବା ପାଇଁ ଥାନା ସମ୍ମୁଖରେ ଧାରଣାରେ ବସିଛନ୍ତି ଉଭୟ ବାପାମାଆ ।

ସୂଚନା ମୁତାବକ, ଦୀର୍ଘ ୮ ମାସ ଧରି ସ୍ତ୍ରୀର ମାନ୍ୟତା ସହ ସ୍ବାମୀର ପରିଚୟ ପାଇବା ପାଇଁ ବାଘମାରୀ ସ୍ଥିତ ଶ୍ବଶୁର ଘର ଆଗରେ ପିଙ୍କି ଧାରଣାରେ ବସିଥିଲେ । ହେଲେ ଏବେ ସେ କେଉଁଠି ? କେଉଁ ପରିସ୍ଥିତିରେ ଅଛନ୍ତି ସେନେଇ କେହି ଅବଗତ ନାହାନ୍ତି । ପିଙ୍କି ୮ ବର୍ଷ ପୂର୍ବେ ବାଘମାରୀର ଅଶୋକ କୁମାର ଦାଶଙ୍କୁ ପ୍ରେମ ବିବାହ କରିଥିଲେ । କିନ୍ତୁ କିଛି ଦିନ ଗଲା ପରେ ପିଙ୍କି ଛୋଟ ଜାତିର ଝିଅ ବୋଲି ଶାଶୁଘର ଲୋକେ ମାନସିକ ନିର୍ଯାତନା ଦେବାରୁ ଅଶୋକ ପିଙ୍କିଙ୍କୁ ଭୁବନେଶ୍ୱର ନେଇ ରହୁଥିଲେ ।

କିଛି ବର୍ଷ ଦୁଇ ଜଣ ଭଲରେ ରହିବା ପରେ ହଠାତ୍ ଅଶୋକ ପିଙ୍କିକୁ ଛାଡି କେଉଁଆଡେ ପଳାଇ ଯାଇଥିଲେ । ଚାରିଆଡ଼େ ଆଡେ ଖୋଜାଖୋଜି ପରେ ଅଶୋକକୁ ନ ପାଇବାରୁ ପିଙ୍କି ଗତ ବର୍ଷ ନଭେମ୍ବର ମାସ ୨୬ ତାରିଖରେ ସ୍ତ୍ରୀର ଅଧିକାର ପାଇଁ ବାଘମାରୀ ଗ୍ରାମର ଅଶୋକ ଦାଶଙ୍କ ଘର ଆଗରେ ଧାରଣାରେ ବସିଥିଲେ । ହେଲେ ଦୀର୍ଘ ୮ ମାସ ଧରି ଧାରଣାରେ ବସିବା ସତ୍ତ୍ୱେ କେହି ଶୁଣି ନଥିଲେ ତାଙ୍କ ଦୁଃଖ । ବାରମ୍ବାର ପୋଲିସ ପ୍ରଶାସନ ଓ ଜିଲ୍ଲା ପ୍ରଶାସନକୁ ଗୁହାରି କରି ନିରାଶ ହୋଇଥିଲେ ।

ଏହା ମଧ୍ୟ ପଢ଼ନ୍ତୁ: କୁଆଡେ ଗଲେ ପିଙ୍କି, ହକ୍‌ ପାଇଁ 8 ମାସ ହେଲା ସ୍ବାମୀଙ୍କ ଘର ଆଗରେ ଦେଇଥିଲେ ଧାରଣା

ତେବେ ଜୁନ ୨୧ ତାରିଖରୁ ପିଙ୍କି ସହ ପରିବାର ଲୋକଙ୍କ କୌଣସି ଯୋଗାଯୋଗ ହୋଇପାରି ନଥିଲା । ସେ ଏବେ କେଉଁଠି କେଉଁ ପରିସ୍ଥିତିରେ ଅଛନ୍ତି ସେନେଇ ବାଘମାରୀ ଥାନାରେ ତାଙ୍କ ବାପାମାଆ ଏକ ଲିଖିତ ଅଭିଯୋଗ କରିଛନ୍ତି । ପିଙ୍କି ଧାରଣା ଦେଇଥିବା ଘର ଆଗରେ ରଖିଥିବା ଜିନିଷପତ୍ର ଏବେ ନଥିବା ଯୋଗୁଁ ସନ୍ଦେହକୁ ଆହୁରି ବଢାଇଛି । ଅଶୋକଙ୍କ ପରିବାର ଲୋକଙ୍କୁ ତଦନ୍ତ ପରିସରଭୁକ୍ତ କରି ଘଟଣାର ପର୍ଦ୍ଦାଫାସ କରିବା ସହିତ ତାଙ୍କ ଝିଅ ପିଙ୍କିକୁ ଉଦ୍ଧାର କରିବାକୁ ପରିବାର ଲୋକ ନିବେଦନ କରିଛନ୍ତି ।

ଝିଅ ନମିଳିବା ଯାଏ ଧାରଣାରେ ବସିବେ ବୋଲି କହିଛନ୍ତି । ଅନ୍ୟପଟେ ଜୁନ ୨୮ତାରିଖରେ ଗୁଗୁଲ ଟ୍ରଷ୍ଟର କର୍ମକର୍ତ୍ତା ପିଙ୍କି ନିଖୋଜ ଥିବା ନେଇ ବାଘମାରୀ ଥାନାରେ ଅଭିଯୋଗ କରିଥିଲେ । ପୋଲିସ କେସ୍ ନମ୍ବର ୧୧/୨୩ରେ ଏକ ନିଖୋଜ ମାମଲା ରୁଜୁ କରି ତଦନ୍ତ ଜାରି ରଖିଛି । ଯଦି ପିଙ୍କି ନିଖୋଜ ଅଛନ୍ତି, ତେବେ ତାହା ଜିନିଷପତ୍ର ଏବେ କେଉଁଠି ତାଙ୍କୁ ନେଇ ପ୍ରଶ୍ନ କରିଛନ୍ତି ଗୁଗୁଲ ଟ୍ରଷ୍ଟ କର୍ମକର୍ତ୍ତା । ଥାନା ଠାରୁ ୫୦୦ ମିଟରରେ ଧାରଣା ଦେଇଥିବା ପିଙ୍କି ନିଖୋଜକୁ ନେଇ ପୋଲିସ ଭୂମିକା ଉପରେ ବିଭିନ୍ନ ପ୍ରଶ୍ନ କରିଛନ୍ତି ସ୍ୱେଚ୍ଛାସେବୀ ଅନୁଷ୍ଠାନ ।


ଇଟିଭି ଭାରତ, ଖୋର୍ଦ୍ଧା

ନ୍ୟାୟ ଦାବିରେ ଧାରଣାରେ ବସିଥିବା ମହିଳା ନିଖୋଜ

ଖୋର୍ଦ୍ଧା: କୁଆଡେ ଗଲେ ବନଲକ୍ଷ୍ମୀ ବେହେରା ଓରଫ ପିଙ୍କି ! ସ୍ତ୍ରୀ ହକ୍ ପାଇଁ ଦୀର୍ଘ ଆଠ ମାସ ଧରି ଶ୍ବଶୁର ଘର ଆଗରେ ଦେଇଥିଲେ ଧାରଣା । ହେଲେ ଏବେ ମିଳୁନି କୌଣସି ପତ୍ତା । ଗତ ଜୁନ ମାସ ୨୧ ତାରିଖରୁ ପିଙ୍କି ନିଖୋଜ ଥିବା ନେଇ ବାପାମାଆ ବାଘମାରୀ ଥାନାରେ ଅଭିଯୋଗ କରିଛନ୍ତି । ଝିଅକୁ ଖୋଜି ଆଣି ଦେବା ପାଇଁ ଥାନା ସମ୍ମୁଖରେ ଧାରଣାରେ ବସିଛନ୍ତି ଉଭୟ ବାପାମାଆ ।

ସୂଚନା ମୁତାବକ, ଦୀର୍ଘ ୮ ମାସ ଧରି ସ୍ତ୍ରୀର ମାନ୍ୟତା ସହ ସ୍ବାମୀର ପରିଚୟ ପାଇବା ପାଇଁ ବାଘମାରୀ ସ୍ଥିତ ଶ୍ବଶୁର ଘର ଆଗରେ ପିଙ୍କି ଧାରଣାରେ ବସିଥିଲେ । ହେଲେ ଏବେ ସେ କେଉଁଠି ? କେଉଁ ପରିସ୍ଥିତିରେ ଅଛନ୍ତି ସେନେଇ କେହି ଅବଗତ ନାହାନ୍ତି । ପିଙ୍କି ୮ ବର୍ଷ ପୂର୍ବେ ବାଘମାରୀର ଅଶୋକ କୁମାର ଦାଶଙ୍କୁ ପ୍ରେମ ବିବାହ କରିଥିଲେ । କିନ୍ତୁ କିଛି ଦିନ ଗଲା ପରେ ପିଙ୍କି ଛୋଟ ଜାତିର ଝିଅ ବୋଲି ଶାଶୁଘର ଲୋକେ ମାନସିକ ନିର୍ଯାତନା ଦେବାରୁ ଅଶୋକ ପିଙ୍କିଙ୍କୁ ଭୁବନେଶ୍ୱର ନେଇ ରହୁଥିଲେ ।

କିଛି ବର୍ଷ ଦୁଇ ଜଣ ଭଲରେ ରହିବା ପରେ ହଠାତ୍ ଅଶୋକ ପିଙ୍କିକୁ ଛାଡି କେଉଁଆଡେ ପଳାଇ ଯାଇଥିଲେ । ଚାରିଆଡ଼େ ଆଡେ ଖୋଜାଖୋଜି ପରେ ଅଶୋକକୁ ନ ପାଇବାରୁ ପିଙ୍କି ଗତ ବର୍ଷ ନଭେମ୍ବର ମାସ ୨୬ ତାରିଖରେ ସ୍ତ୍ରୀର ଅଧିକାର ପାଇଁ ବାଘମାରୀ ଗ୍ରାମର ଅଶୋକ ଦାଶଙ୍କ ଘର ଆଗରେ ଧାରଣାରେ ବସିଥିଲେ । ହେଲେ ଦୀର୍ଘ ୮ ମାସ ଧରି ଧାରଣାରେ ବସିବା ସତ୍ତ୍ୱେ କେହି ଶୁଣି ନଥିଲେ ତାଙ୍କ ଦୁଃଖ । ବାରମ୍ବାର ପୋଲିସ ପ୍ରଶାସନ ଓ ଜିଲ୍ଲା ପ୍ରଶାସନକୁ ଗୁହାରି କରି ନିରାଶ ହୋଇଥିଲେ ।

ଏହା ମଧ୍ୟ ପଢ଼ନ୍ତୁ: କୁଆଡେ ଗଲେ ପିଙ୍କି, ହକ୍‌ ପାଇଁ 8 ମାସ ହେଲା ସ୍ବାମୀଙ୍କ ଘର ଆଗରେ ଦେଇଥିଲେ ଧାରଣା

ତେବେ ଜୁନ ୨୧ ତାରିଖରୁ ପିଙ୍କି ସହ ପରିବାର ଲୋକଙ୍କ କୌଣସି ଯୋଗାଯୋଗ ହୋଇପାରି ନଥିଲା । ସେ ଏବେ କେଉଁଠି କେଉଁ ପରିସ୍ଥିତିରେ ଅଛନ୍ତି ସେନେଇ ବାଘମାରୀ ଥାନାରେ ତାଙ୍କ ବାପାମାଆ ଏକ ଲିଖିତ ଅଭିଯୋଗ କରିଛନ୍ତି । ପିଙ୍କି ଧାରଣା ଦେଇଥିବା ଘର ଆଗରେ ରଖିଥିବା ଜିନିଷପତ୍ର ଏବେ ନଥିବା ଯୋଗୁଁ ସନ୍ଦେହକୁ ଆହୁରି ବଢାଇଛି । ଅଶୋକଙ୍କ ପରିବାର ଲୋକଙ୍କୁ ତଦନ୍ତ ପରିସରଭୁକ୍ତ କରି ଘଟଣାର ପର୍ଦ୍ଦାଫାସ କରିବା ସହିତ ତାଙ୍କ ଝିଅ ପିଙ୍କିକୁ ଉଦ୍ଧାର କରିବାକୁ ପରିବାର ଲୋକ ନିବେଦନ କରିଛନ୍ତି ।

ଝିଅ ନମିଳିବା ଯାଏ ଧାରଣାରେ ବସିବେ ବୋଲି କହିଛନ୍ତି । ଅନ୍ୟପଟେ ଜୁନ ୨୮ତାରିଖରେ ଗୁଗୁଲ ଟ୍ରଷ୍ଟର କର୍ମକର୍ତ୍ତା ପିଙ୍କି ନିଖୋଜ ଥିବା ନେଇ ବାଘମାରୀ ଥାନାରେ ଅଭିଯୋଗ କରିଥିଲେ । ପୋଲିସ କେସ୍ ନମ୍ବର ୧୧/୨୩ରେ ଏକ ନିଖୋଜ ମାମଲା ରୁଜୁ କରି ତଦନ୍ତ ଜାରି ରଖିଛି । ଯଦି ପିଙ୍କି ନିଖୋଜ ଅଛନ୍ତି, ତେବେ ତାହା ଜିନିଷପତ୍ର ଏବେ କେଉଁଠି ତାଙ୍କୁ ନେଇ ପ୍ରଶ୍ନ କରିଛନ୍ତି ଗୁଗୁଲ ଟ୍ରଷ୍ଟ କର୍ମକର୍ତ୍ତା । ଥାନା ଠାରୁ ୫୦୦ ମିଟରରେ ଧାରଣା ଦେଇଥିବା ପିଙ୍କି ନିଖୋଜକୁ ନେଇ ପୋଲିସ ଭୂମିକା ଉପରେ ବିଭିନ୍ନ ପ୍ରଶ୍ନ କରିଛନ୍ତି ସ୍ୱେଚ୍ଛାସେବୀ ଅନୁଷ୍ଠାନ ।


ଇଟିଭି ଭାରତ, ଖୋର୍ଦ୍ଧା

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.