ଖୋର୍ଦ୍ଧା : ୧୬ନଂ ଜାତୀୟ ରାଜପଥ ଉଗ୍ରତାରା ଛକରୁ ଅଣ୍ଡା ବୋଝେଇ ପିକଅପ ଭ୍ୟାନ ଲୁଟ୍ ଘଟଣାର ପର୍ଦ୍ଦାଫାସ କଲା ଟାଙ୍ଗୀ ପୋଲିସ । ଲୁଟ ହୋଇଥିବା ପିକଅପ ଭ୍ୟାନ ସହ ୩ ଲୁଟେରା ଗିରଫ । ଏହାସହ ଲୁଟେରା ଲୁଟ ଘଟଣାରେ ବ୍ୟବହାର କରିଥିବା ବାଇକ, ତିନୋଟି ମୋବାଇଲ ଫୋନ ସହ ନଗଦ ୧୨ସହ ଟଙ୍କା ଜବତ କରିଥିବା ବାଲୁଗାଁ ଏସ୍ଡିପିଓ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଅଣ୍ଡା ବୋଝେଇ ପିକଅପ ଭ୍ୟାନ ଲୁଟ୍ ଘଟଣାର ପର୍ଦ୍ଦାପାସ
ସୂଚନା ଅନୁଯାୟୀ ଗତ ୩ତାରିଖ ବିଳମ୍ବିତ ରାତିରେ ୧୬ନଂ ଜାତୀୟ ରାଜପଥ ଟାଙ୍ଗୀ ଥାନା ଉଗ୍ରତାରା ଛକରେ ଏକ ଅଣ୍ଡା ବୋଝେଇ ପିକଅପ ଭ୍ୟାନର ଚାଳକଙ୍କୁ ୩ଟି ବାଇକ ରେ ୬ଜଣ ଲୁଟେରା ଆସି ମାଡ଼ମାରି ଲୁଟି ନେଇଥିଲେ । ଅଣ୍ଡା ବୋଝେଇ ପିକଅପ ବ୍ରହ୍ମପୁର ଗୋଳନ୍ଥରାରୁ ଜଳେଶ୍ୱର ଅଭିମୁଖେ ଯାଉଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
