ଖୋର୍ଦ୍ଧା : ଗ୍ରାମାଞ୍ଚଳରେ ଦିନକୁ ଦିନ ବଢ଼ିବାରେ ଲାଗିଛି ଦେଶୀ ମଦ ପ୍ରସ୍ତୁତି ଓ କାରବାର । ଗାଁରେ ଥିବା ନିଛାଟିଆ ଜଙ୍ଗଲରେ ଚାଲୁଛି ଦେଶୀ ମଦ ଭାଟି । ଆଜି ଏହି ମଦଭାଟି ସମ୍ପର୍କରେ ଖବର ପାଇ ଖୋର୍ଦ୍ଧା ଅବକାରୀ ବିଭାଗ ବେଗୁନିଆ ଥାନା ଅନ୍ତର୍ଗତ ମାଣିବନ୍ଧ ପଞ୍ଚାୟତ ସାମନ୍ତରାପୁର ଏବଂ ମଙ୍ଗରାଜପୁରରେ ଚଢ଼ଉ କରିଛି ।
ମଦ ଭାଟି ଉପରେ ଅବକାରୀ ଚଢ଼ଉ : ପୋଚ ନଷ୍ଟ, ଦେଶୀ ମଦ ଜବତ, ଜଣେ ଗିରଫ
ଚଢ଼ଉ ସମୟରେ ୬ ହଜାର ୬ ଶହ ଲିଟର ପୋଚକୁ ଘଟଣା ସ୍ଥଳରେ ନଷ୍ଟ କରିବାସହ ୩୮୦ ଲିଟର ଦେଶୀ ମଦ ଜବତ କରିଛି । ତେବେ ଏହି ଘଟଣାରେ ସମ୍ପୃକ୍ତ ଥିବା ମଦ ମାଫିଆ ଦଣ୍ଡୁ ବେହେରାକୁ ଗିରଫ କରି କୋର୍ଟ ଚାଲାଣ କରିଥିବା ଖୋର୍ଦ୍ଧା ଅବକାରୀ ନିରୀକ୍ଷକ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
