ଖୋର୍ଦ୍ଧା: ସହର ଭିତରେ ଦେଖିବାକୁ ମିଳିଛି ହାତୀ ଆତଙ୍କ । ଗତ କିଛିଦିନ ଧରି ହାତୀ ଖୋର୍ଦ୍ଧା ସହର ଉପାନ୍ତ ଅଞ୍ଚଳରେ ବିଭିନ୍ନ ଧାନ କିଆରୀରେ ପଶି ଫସଲ ନଷ୍ଟ କଲାପରେ ବର୍ତ୍ତମାନ ସହର ମୁଁହା ହୋଇଛି । ଆଜି ଅପରାହ୍ନରେ ହାତୀଟି କୁମାରବସ୍ତ ଗାଁ କାଜୁ ଜଙ୍ଗଲ ଭିତରୁ ବାହାରି ମୁକୁନ୍ଦ ପ୍ରସାଦ ରାସ୍ତାରେ ସହର ଭିତରକୁ ପଶୁଥିଲା ବେଳେ ଲୋକମାନେ ଦେଖି ଭୟଭୀତ ହୋଇ ପଡିଥିଲେ ।
ଲୋକମାନେ ହାତୀକୁ ଦେଖି ଘଉଡାଇବା ସହ ତା ପଛେପଛେ ମୋବାଇଲ ଧରି ଫଟୋ ଉଠାଉଥିବା ଦେଖିବାକୁ ମିଳିଥିଲା । ଫଳରେ ବନ ବିଭାଗ କର୍ମଚାରୀ ଓ ପୋଲିସ ପୋଲିସ ପହଞ୍ଚି ବାଧା ଦେବା ସହ ହାତୀକୁ ଜଙ୍ଗଲ ଭିତରକୁ ଘଉଡାଇବା ପାଇଁ ଉଦ୍ୟମ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
