ଖୋର୍ଦ୍ଧା: ଜଙ୍ଗଲ ଛାଡି ଖାଦ୍ୟ ଅନ୍ବେଷଣରେ ଜନବସତି ମୁଁହା ହାତୀ । ଗାଁରେ ପଶି ବ୍ୟାପକ ଧନ ଜୀବନ ନଷ୍ଟ କରୁଛନ୍ତି । ଆଜି(ବୁଧବାର) ଖୋର୍ଦ୍ଧା ବେଗୁନିଆ ବ୍ଲକ ପରିଛଳ ଗ୍ରାମରେ 2ଟି ଦନ୍ତା ହାତୀ ପଶିବା ସହ ଅନେକ କ୍ଷତି ଘଟାଇଛନ୍ତି ।
ଖୋର୍ଦ୍ଧାରେ ହାତୀ ଉପଦ୍ରବ; ଗାଁରେ ପଶି ଭାଙ୍ଗିଲେ ପାଚେରୀ, ଖାଇଲେ ଧାନ
ନିକଟ କାକୁଡିଆ ଜଙ୍ଗଲରୁ ଆସିଥିବା ଦୁଇ ଦନ୍ତା ହାତୀ ସାହି ଭିତରେ ପଶି ପାଚେରୀ ଭାଙ୍ଗିବା ସହ ଖଳାରେ ଥିବା ଧାନ ଖାଇଯାଇଛନ୍ତି । ଏହାସହ କୃଷି ଫାର୍ମରେ ପଶି କଖାରୁ ଖାଇ ଦଳିଚକଟି ନଷ୍ଟ କରିଦେଇଛନ୍ତି ।
ତେବେ ବାରମ୍ବାର ଏପରି ହାତୀ ଉପଦ୍ରବ ହେଉଥିବାରୁ ଲୋକେ ବନବିଭାଗକୁ କହିଥିଲେ ସୁଦ୍ଧା ବନବିଭାଗ କୌଣସି ଆଖିଦୃଶିଆ ପଦକ୍ଷେପ ନେଉନଥିବା ଅଭିଯୋଗ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
