ଖୋର୍ଦ୍ଧା: ଜଙ୍ଗଲ ଛାଡି ଜନବସତି ମୁଁହା ଜଙ୍ଗଲୀ ଜନ୍ତୁ । ଖାଦ୍ୟ ଅନ୍ବେଷଣରେ ଜନବସତିକୁ ପଶି ଘରଦ୍ବାର ଭାଙ୍ଗିବା ସହ ଜୀବନ ମଧ୍ୟ ନେଉଛନ୍ତି । ଦୀର୍ଘଦିନ ଧରି ବେଗୁନିଆ ବ୍ଲକ ହଜ ଅଞ୍ଚଳରେ ତିନୋଟି ଜଙ୍ଗଲି ହାତୀ ଉପଦ୍ରବ ଘଟାଉଥିବା ବେଳେ ଶନିବାର ପୁଣିଥରେ ଉପଦ୍ରବ କରିଛନ୍ତି ।
ହଜ ପଞ୍ଚାୟତର ନାରଗୋଦା ଗ୍ରାମରେ ଶନିବାର ସନ୍ଧ୍ୟାରେ ହାତୀ ପସି 3ଟି ମଟର ସାଇକେଲକୁ ଚକଟି ଭାଙ୍ଗି ଦେଇଥିବାବେଳେ ଜଣେ ବୃଦ୍ଧାଙ୍କୁ ଗୋଡ଼ାଇ ଲହୁଲୁହାଣ କରିଛି । ହାତୀକୁ ତୁରନ୍ତ ଟ୍ରାଙ୍କୁଲାଇଜ କରି ଅନ୍ୟତ୍ର ନେବା ପ୍ରତିବାଦରେ ଗ୍ରାମବାସୀମାନେ ଏବେ ପୁରୀ ସରଣକୁଳ ନୂଆ ଜଗନ୍ନାଥ ସଡ଼କକୁ ଟାୟାର ଜାଳି ଅବରୋଧ କରିଛନ୍ତି । ସେପଟେ ଗୁରୁତର ବୃଦ୍ଧା ସରୋଜିନୀ ମହାନ୍ତିଙ୍କୁ ଚିକିତ୍ସା ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
