ଖୋର୍ଦ୍ଧା: ବେଆଇନ ମାଙ୍କଡ଼ା ପଥର ଖଣିରେ ଚଢ଼ାଉ । ୮ ଟ୍ରକ-ଟ୍ରାକ୍ଟର ଜବତ କରିବା ସହିତ ୨ଜଣଙ୍କୁ ଗିରଫ କରିଛି ଖୋର୍ଦ୍ଧା ପୋଲିସ । ଜିଲ୍ଲା ଶରଧାପୁର ଅଞ୍ଚଳରେ ଏକ ବେଆଇନ ମାଙ୍କଡ଼ାପଥର ଖଣି ଚାଲୁଥିବା ଖବର ପାଇ ଏସପି ଅଲେଖ ଚନ୍ଦ୍ର ପହିଙ୍କ ନିର୍ଦେଶରେ ଏସଡିପିଓ ସୁଶୀଲ କୁମାର ମିଶ୍ରଙ୍କ ତତ୍ତ୍ବାବଧାନରେ ଖୋର୍ଦ୍ଧା ଆଦର୍ଶ ଥାନା ପୋଲିସ ପକ୍ଷରୁ ବଡ଼ ଧରଣର ଚଢ଼ାଉ କରାଯାଇଥିଲା ।
ବେଆଇନ ମାଙ୍କଡ଼ା ପଥର ଖଣିରେ ଚଢ଼ାଉ
ଏହି ବଡ଼ଧରଣର ଚଢ଼ାଉରେ ବେଆଇନ ମାଙ୍କଡ଼ା ପଥର ଚାଲାଣ କରୁଥିବା ୮ଟି ଟ୍ରକ ଓ ଟ୍ରାକ୍ଟର ଜବତ କରିବା ସହ ୨ ଜଣଙ୍କୁ ଗିରଫ କରାଯାଇଛି । ତେବେ ଏହି ଚଢ଼ାଉରେ ଅନ୍ୟ ଅପରାଧୀମାନେ ଖସି ପଳାଇବାରେ ସକ୍ଷମ ହୋଇଛନ୍ତି । ଧରାପଡିଥିବା ଅଭିଯୁକ୍ତ ହେଲେ ସଦର ଥାନା ଅଞ୍ଚଳର ସତ୍ୟ ରଞ୍ଜନ ବରାଳ ଓ ସୁକାନ୍ତ ନାୟକ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
