ଖୋର୍ଦ୍ଧା: ସ୍ଥାନୀୟ ବାଲୁଗାଁ ଅନ୍ତର୍ଗତ ସାମନ୍ତରାପୁର ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ଏହି ଗ୍ରାମର ସୁମନ୍ତ କୁମାର ପଣ୍ଡା ନିଜ ବଡ ଭାଇଙ୍କ ଝିଅକୁ ନେଇ ମଙ୍ଗେଇ ପୋଖରୀକୁ ଗାଧୋଇବାକୁ ଯାଇଥିଲେ । ହେଲେ ପୋଖରୀରେ ଅଧିକ ଗଭୀରକୁ ପଶି ଯାଇ ଅସାବଧାନତାବଶତଃ ବୁଡି ଯାଇଥିଲେ ସୁମନ୍ତ । ସେ ଦୀର୍ଘ ସମୟ ଧରି ନଫେରିବାରୁ ଖୋଜାଖୋଜି ଆରମ୍ଭ ହୋଇଥିଲା । ପରେ ତାଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ସୂଚନା ମୁତାବକ ସୁମନ୍ତ ନିଜ ଝିଆରୀ ସହ ପୋଖରୀରେ ଗାଧୋଇଥିବା ବେଳେ ଝିଆରୀକୁ ପୋଖରୀ କୂଳରେ ଛାଡି ସେ ପୋଖରୀ ଭିତରେ ପଶିଥିଲେ । ହେଲେ ଅସାବଧାନତା କାରଣରୁ ସେ ବୁଡିଯାଇଥିଲେ । ତେବେ ଦୀର୍ଘ ସମୟ ଧରି ସେ ଘରକୁ ନଫେରିବାରୁ ସୁମନ୍ତଙ୍କ ବଡ ଭାଇ ତାଙ୍କୁ ଖୋଜାଖୋଜି ଆରମ୍ଭ କରିଥିଲେ । ଏହାପରେ ତାଙ୍କୁ ପୋଖରୀରୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଖବର ପାଇ ବାଲୁଗାଁ ପୋଲିସ ଡାକ୍ତରଖାନାରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି । ସେପଟେ ଘଟଣାରେ ତଦନ୍ତ ମଧ୍ୟ ଆରମ୍ଭ ହୋଇଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
