ଖୋର୍ଦ୍ଧା : ବିବାହ ପ୍ରୋସେସନରେ ଗଣ୍ଡଗୋଳ ଯୋଗୁ ଡିଜେ ଗାଡି ଜାଳିଦେଲେ ବରଯାତ୍ରୀ । ଏପରି ଅଭିଯୋଗ ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ତୋଟାପଡା ଅଞ୍ଚଳରେ । ଗତ 21 ତାରିଖରେ ବିଳମ୍ବିତ ରାତିରେ ଏପରି ଘଟଣା ଘଟିଥିବା ଅଭିଯୋଗ ହୋଇଛି । ବରଯାତ୍ରୀ ଓ ଡିଜେ ଗାଡି ବିବାଦରୁ ଏପରି ହୋଇଥିବା ଅଭିଯୋଗ ହୋଇଛି ।
ଡିଜେ ଗାଡି ଜାଳିଦେବା ଘଟଣା, ଏସପିଙ୍କ ଦ୍ୱାରସ୍ଥ ହେଲା ରାଜ୍ୟ ସାଉଣ୍ଡ ଲାଇଟ ସଂଘ
ସୂଚନା ଅନୁସାରେ ଭୁବନେଶ୍ବରରୁ ବାରଘର ପାଟଣାକୁ ଏକ ବିବାହ ପ୍ରୋସେସନ ଆସିଥିବାବେଳେ ପ୍ରୋସେସନରେ କୌଣସି କାରଣକୁ ନେଇ ବିବାଦ ଦେଖାଦେଇଥିଲା । ବରଯାତ୍ରୀ ଡିଜେ ଗାଡି ସହ ଗଣ୍ଡଗୋଳ କରିଥିଲେ ଆଉ ପରେ ଏହି ବିଶୃଙ୍ଖଳାରେ ଗାଡି ପୋଡିଦେବା ପରି ଘଟଣାକୁ ରୂପ ଦିଆଯାଇଥିବା ଡିଜେ ମାଲିକ ଖୋର୍ଦ୍ଧା ସଦର ଥାନାରେ ଅଭିଯୋଗ କରିଛନ୍ତି । ତେବେ ଅଭିଯୋଗ ପରେ ମଧ୍ୟ ପୋଲିସର ନିଷ୍କ୍ରିୟତା ପ୍ରତିବାଦରେ ଆଜି ରାଜ୍ୟ ସାଉଣ୍ଡ ଲାଇଟ ଆସୋସିଏସନ ଓଡିଶା ପକ୍ଷରୁ ଖୋର୍ଦ୍ଧା ଏସପିଙ୍କୁ ଭେଟି ଦାବି ପତ୍ର ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
